Həftənin icmalı
Yanmış binanın sakinlərinin köçürülməsinə başlanıldı
28.09.2015
Bu il mayın 19-da Bakının Binəqədi rayonunda yanmış binada aparılan təmir-tikinti işləri tam başa çatdırılıb.
Bu gündən başlayaraq sakinlərin binaya köçürülməsi prosesinə start verilib.
“Azəraqrartikinti” Şirkətinin sahə rəisi Vüqar Əliyev APA-ya açıqlamasında bildirib ki, binada mənzillərin əsaslı təmir işləri tam başa çatdırılıb. Onun sözlərinə görə, ötən 4 ay ərzində 500 fəhlə və usta 24 saat ərzində fasiləsiz iş rejimində çalışıb və Qurban bayramı ərəfəsində əsaslı təmir işləri tam yekunlaşıb. Ümumilikdə binada 59 mənzil əsaslı təmir olunub. Mənzillər mebel və məişət avadanlıqları ilə təmin edilib.
Azərbaycanlı zəvvarlar Həcc ziyarətini başa vurublar
28.09.2015
Hacıların sabahdan Vətənə dönüşü başlayır
Azərbaycanlı zəvvarlar Həcc ziyarətini artıq başa vurublar və zəvvarların qayıdışı ilə bağlı uçuş qrafikləri məlum olub.
Ölkə.Az xəbər verir ki, Qafqaz Müsəlmanları İdarəsinin (QMİ) xarici əlaqələr şöbəsinin müdiri Müqəddəs Payızov APA-ya bildirib ki, artıq zəvvarlar ziyarətin sonuncu əməli olan şeytana daş atma əməlini başa vurublar və indi vida təvafı ilə məşğuldurlar.
"Azərbaycanla Serbiya arasında viza rejimi ləğv oluna bilər"
28.09.2015
“Tərəflər Belqrad-Bakı aviareysinin açılmasına da müzakirə edib”
"Azərbaycan və Serbiya arasında vizasız gediş-gəliş mümkün ola bilər".
Bunu Serbiyanın baş nazirinin müavini, turizm, ticarət və telekommunikasiya naziri Rasim Lyayiç bildirib.
R. Lyayiç bildirib ki, bu məsələ bu gün Bakıda keçirilən Azərbaycan-Serbiya Hökumətlərarası Komissiyasının növbəti iclasında müzakirə olunub: "Əsas təkliflər iki ölkə arasında biznes tərəfdaşlığının qurulması, Azərbaycan və Serbiya arasında viza rejiminin ləğvi, Belqrad-Bakı birbaşa aviareysinin açılması və infrastrukturun yaxşılaşdırılması, gediş-gəlişin asanlaşdırılması üçün bir sıra vacib məsələlərlə bağlı olub".
Borçalı şəhidi ilə vidalaşdı
28.09.2015
Bu gün Gürcüstanda azərbaycanlıların kompakt yaşadığı Bolnisi rayonunun Zol-Güvəc kəndində Azərbaycan Silahlı Qüvvələrinin hərbi qulluqçusu, sentyabrın 25-də şəhid olan 23 yaşlı Elşən Vaqif oğlu Məmmədovun dəfn mərasimi keçirilib.
Əslən Bolnisinin Zol-Güvəc kəndindən olan şəhid E. Məmmədovun dəfn mərasimində Azərbaycanın Gürcüstandakı səfirliyinin nümayəndələri, Qafqaz Müsəlmanları İdarəsinin Gürcüstan nümayəndəliyinin rəhbəri Hacı Əli Əliyev, Gürcüstan Müsəlmanları İdarəsinin şeyxi Hacı Ramin İgidov, ziyalılar, jurnalistlər, və kənd sakinləri iştirak ediblər. Dəfn mərasimində din xadimləri “Quran” ayələri, şəhid E. Məmmədovun ruhuna dualar oxuyublar.
Universitetlər Bakıdan köçürüləcək
28.09.2015
Paytaxtın mərkəzində fəaliyyət göstərən univeristetlər yaxın zamanlarda şəhərdən kənara köçürüləcək. Bununla bağlı təklif təsdiqlənməsi üçün Nazirlər Kabinetinə təqdim olunan Böyük Bakının Regional İnkişaf Planında öz əksini tapıb.
Ölkə.Az xəbər verir ki, bu sözləri ANS PRESS-ə açıqlamasında Dövlət Şəhərsalma və Arxitektura Komitəsinin Şəhərsalama şöbəsinin müdiri Anar Bayramov deyib.
“Hazırda bununla bağlı müzakirələr aparılır.Planın Nazirlər Kabineti tərəfindən təsdiq olunmasını gözləyirik. Qərar verildikdən sonra müvafiq işlərə başlanılacaq”.
Azərbaycanda dini sahəyə nəzarət gücləndiriləcək
29.09.2015
Azərbaycanda dini məlumatların yayılması sahəsinə nəzarət gücləndiriləcək, din sahəsində mütəxəssislərin hazırlanmasına diqqət artırılacaq.
B qanunvericiliyə görə, müvafiq icra hakimiyyəti orqanı dini mərkəzdən, dini idarələrdən və digər dini qurumlardan zəruri məlumatları alır.
Qanunun adıçəkilən maddəsinə daha iki əlavənin edilməsi nəzərdə tutulur. Əlavələrə əsasən, müvafiq icra hakimiyyəti orqanı nəzarət markası ilə markalanmış dini təyinatlı ədəbiyyatın (kağız və elektron daşıyıcılarında), audio və video materialların, mal və məlumatların və dini məzmunlu başqa məlumat materiallarının satışı üzrə ixtisaslaşdırılmış satış məntəqələrində “Sahibkarlıq sahəsində aparılan yoxlamaların tənzimlənməsi və sahibkaununla əlaqədar “Dini etiqad azadlığı haqqında” Qanuna və “Kütləvi informasiya vasitələri haqqında” Qanuna dəyişikliklər ediləcək.
Suriyada döyüşlərdə iştirak edən azərbaycanlıların məhkəməsi başladı
29.09.2015
Bakı Ağır Cinayətlər Məhkəməsində Suriyada döyüşlərdə iştirak etməkdə təqsirləndirilən Telman Bəkirov və Mübariz Tağıyevin cinayət işi üzrə məhkəmə prosesi başlayıb.
APA-nın məlumatına görə, hazırlıq iclasında təqsirləndirilən şəxslərin anket məlumatları dəqiqləşdirilib. Məhkəmənin baxış iclası oktyabrın 6-na təyin olunub.
Qeyd edək ki, Milli Təhlükəsizlik Nazirliyi tərəfindən həyata keçirilmiş anti-terror tədbirləri nəticəsində Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratmaqda və döyüşməkdə şübhəli bilinən Azərbaycan Respublikasının vətəndaşları - Bəkirov Telman Əvəz oğlu və Tahirov Mübariz Əmən oğlu şübhəli şəxs qismində tutulub.
Erməni ailəsi tez-tez Bakı gəzintisinə çıxır
29.09.2015
İnsan haqları müdafiəçisi Novella Cəfəroğlu erməni Vahan Martirosyanın son vəziyyəti ilə bağlı danışıb.
Ölkə.Az “Yeni Müsavat”a istinadən xəbər verir ki, onun sözlərinə görə, Bakıya sığınan erməni ailəsi üçüncü ölkəyə getmək istəmir:
“Məlum səbəblər üzündən onun barəsində geniş məlumat vermək iqtidarında deyilik. Çünki ona qarşı nəinki Ermənistan tərəfindən, hətta Rusiya və digər ölkələrdən belə təxribatlar ola bilər. Bu məsələləri nəzərə alaraq, onun haqqında mətbuatda tez-tez məlumat verilməsini doğru hesab etmirəm.
Azərbaycanda kişilər yenidən müəllim olmaq istəyir
29.09.2015
Azərbaycanda müəllimlik peşəsindən ayrılmış kişi müəllimlərin yenidən bu peşəyə qayıtmaq üçün Təhsil Nazirliyinə edilən müraciətlərin sayı son iki ildə artıb.
Bunu Trend-ə Azərbaycanın təhsil nazirinin müavini Ceyhun Bayramov deyib.
İki il bundan əvvəl Təhsilin İnkişafı üzrə Dövlət Strategiyasının qəbul olunmasının müəllimlik peşəsinə olan marağın artmasına təsir göstərdiyini deyən nazir müavininin sözlərinə görə, uzun illərin problemlərindən biri kişilər tərəfindən müəllim ixtisasına maraq göstərmə səviyyəsinin kifayət qədər az olması olub: “Son 15-20 ilin tendensiyası belədir. Hazırda məktəblərdə dərs deyən müəllimlərin təqribən 80 faizi qadınlardır. Bakıda bu rəqəm təqribən 90 faizdir. Bunun nə qədər böyük problem yaratdığını başa düşürük. Ancaq Təhsil Nazirliyinə edilən müraciətlərə baxdıqda artıq iki il əvvəl görmədiyimiz vəziyyətlə qarşılaşırıq. Kişi müəllimlər tərəfindən nazirliyə daxil olan müraciətlər getdikcə artmaqdadır. Müraciətlərin məzmunu da belədir: mən müəllimlik ixtisasını bitirmişəm, 10-15 il əvvəl bu sahədən ayrılmışam. Yenidən peşəmə qayıtmaq üçün nə etməliyəm? Təbii ki, bu tendensiya bizi çox sevindirir”.
Azərbaycan və Rusiya Xəzərdə təlim keçirir
29.09.2015
Azərbaycan və Rusiya Xəzər dənizində birgə təlim keçirir.
Bu barədə Ölkə.Az-a Dövlət Sərhəd Xidmətinin Mətbuat Mərkəzindən məlumat verilib.
Məlumatda deyilir ki, cari ilin 28-29 sentyabr tarixlərində Rusiya Federasiyasının Sərhəd Xidmətinin sərhəd gözətçi gəmisinin və Azərbaycan Respublikası Dövlət Sərhəd Xidmətinin gəmilərinin iştirakı ilə Xəzər dənizinin Azərbaycana mənsub olan hissəsində birgə sərhəd təlimi keçirilir.
MTN-nin generalı vəfat etdi
30.09.2015
O, uzun illər Azərbaycanın keçmiş Dövlət Təhlükəsizlik Komitəsinə rəhbərlik edib
Azərbaycan Respublikası Milli Təhlükəsizlik Nazirliyinin Heydər Əliyev adına Akademiyasının rəisi general-leytenant Ziya Yusif-zadə vəfat edib.
APA-nın xəbərinə görə, Ziya Yusif-zadə uzun illər Azərbaycanın keçmiş Dövlət Təhlükəsizlik Komitəsinə rəhbərlik edib.
Ziya Yusifzadə 15 fevral 1929-cu ildə Nuxada (indiki Şəki) ziyalı ailəsində anadan olub. 1952-1956-cı illərdə Azərbaycan SSR Maarif Nazirliyində və Azərbaycan SSR Nazirlər Sovetində məsul vəzifələrdə işləyib.
Rayon maşınlarının Bakıya giriş vaxtı dəyişir
30.09.2015
Rayon qeydiyyatında olan minik avtomobillərinin Bakıya buraxılış vaxtı oktyabrın 1-dən dəyişəcək.
Ölkə.Az xəbər verir ki, Nazirlər Kabinetinin Yol Hərəkəti Təhlükəsizliyi Komissiyasının qərarına əsasən yük və rayon qeydiyyatında olan minik avtomobillərinin yay və qış rejimlərində Bakıya buraxılmasına dair fərqli qrafik müəyyənləşdirilib.
Yay rejimi qrafiki çərçivəsində mayın 1-dən oktyabrın 1-dək səhər saat 07:00-dan axşam saat 22:00-dək yük və rayon qeydiyyatında olan minik avtomobilləri paytaxta buraxılmır, yük və rayon qeydiyyatında olan minik avtomobilləri axşam saat 22:00-dan səhər saat 7:00-a qədər şəhərə daxil ola bilər.
Azərbaycanda vətəndaşlıqdan çıxarma prezidentin səlahiyyətinə verildi
30.09.2015
Azərbaycan Milli Məclisinin bu gün keçirilən iclasında “Azərbaycan Respublikasının vətəndaşlığı haqqında” qanuna əlavə və dəyişikliklər layihəsi müzakirəyə çıxarılıb.
Ölkə.Az-ın APA-ya istinadən verdiyi xəbərə görə, iclasda bildirilib ki, Prezident tərəfindən təqdim olunan layihəyə əsasən Azərbaycan Respublikası vətəndaşlığına bərpa və vətəndaşlığında çıxma qaydaları dəyişdirilir.
Əlavə və dəyişikliklər layihəsinə əsasən, qanunun 15-ci (Azərbaycan Respublikasının vətəndaşlığına bərpa) və 17-ci (Azərbaycan Respublikasının vətəndaşlığından çıxma) maddələrinə belə bir bənd əlavə edilir:
“Azərbaycan Respublikasının vətəndaşlığına bərpa və yaxud vətəndaşlığından çıxma haqqında qərar Azərbaycan Respublikasının Konstitusiyasının 109-cu maddəsinin 20-ci bəndinə müvafiq surətdə qəbul olunur”.
Çağırışçılar üçün SMS xidməti aktivləşdi
30.09.2015
Çağırışçılara müddətli həqiqi hərbi xidmətlərini hansı hərbi hissədə keçmələri barədə məlumatların internet və ya qısa mesaj (SMS) vasitəsilə verilməsi elektron xidməti bu gündən etibarən aktivləşib.
Ölkə.Az xəbər verir ki, Səfərbərlik və Hərbi Xidmətə Çağırış üzrə Dövlət Xidmətinin ictimaiyyətlə əlaqələr şöbəsindən APA-ya verilən məlumata görə, 2015-ci ilin oktyabr çağırışına cəlb edilən çağırışçılar sentyabrın 30-dan etibarən təyin olunduqları hərbi hissə haqqında məlumatı şəxsiyyət vəsiqələrinin seriya nömrələrini 9100 nömrəsinə qısa mesaj şəklində göndərməklə öyrənə bilərlər.
Eyni zamanda çağırışçılar təyin olunduqları hərbi hissə haqqında məlumatı şəxsi məlumatları daxil etməklə SHXÇDX-nin www.seferberlik.gov.az rəsmi internet saytının «elektron xidmətlər» bölməsinin müvafiq bölümündən də əldə edə bilərlər.
Azərbaycan Ordusu “Buk-MB” ZRK-dən sınaq atışları həyata keçirdi
30.09.2015
“Saman” tipli hədəflərin məhv edilməsi tapşırıqları həyata keçirilib
Мüdafiə naziri general-polkovnik Zakir Həsənovun rəhbərliyi ilə Hərbi Hava Qüvvələri hava hücumundan müdafiə qoşunlarının silahlanmasına daxil olunan növbəti “Buk-MB” zenit-raket divizionunun komplekslərindən döyüş-sınaq atışları icra edilib.
Müdafiə Nazirliyinin mətbuat xidmətindən Ölkə.Az-a verilən məlumata görə, atışlarda Baş nazirinin birinci müavini Yaqub Eyyubov da iştirak edib.
Azərbaycanda 2-3 ulduzlu brend hotellər tikiləcək
30.09.2015
Mədəniyyət və Turizm Nazirliyindən Ölkə.Az-a verilən məlumata görə, Azərbaycanda 2-3 ulduzlu brend hotellərin tikilməsi məqsədilə özündə "Novotel", "İbis" və digər bu kimi oteləri birləşdirən "Accor" mehmanxanalar şəbəkəsinin İnkişaf departamentinin baş direktoru Gauran Bhushanla Azərbaycanın rəsmi nümayəndə heyəti arasında görüş keçirilib. Görüş Fransanın Paris şəhərində keçirilən "Top Resa 2015" beynəlxalq turizm sərgisi çərçivəsində olub. Cari ilin sonunda Bakıda yerli sahibkarlar üçün geniş təqdimatın keçirilməsi haqqında razılıq əldə olunub.
Ötən ay cəbhədə 20 erməni hərbçi öldürülüb
01.10.2015
Bu ilin sentyabr ayında erməni silahlı bölmələri cəbhə xəttində atəşkəs rejimini 828 dəfə pozub.
Ölkə.Az-ın Azərbaycan Müdafiə Nazirliyinin təsdiq etdiyi məlumatlar əsasında apardığı monitorinqin nəticələrinə görə, erməni silahlı bölmələri cəbhənin müxtəlif istiqamətlərində 60 və 82 mm çaplı minaatanlardan, iriçaplı pulemyotlardan istifadə etməklə aktiv təxribat fəaliyyətləri keçirməyə cəhd göstərib. Bütün hallarda düşmən cavab atəşi ilə susdurulub, hərəkət cəhdlərinin qarşısı alınıb.
Əhali maaşların gecikdirilməsindən şikayətlənir
01.10.2015
2015-ci ilin yanvar-sentyabr aylarında Əmək və Əhalinin Sosial Müdafiəsi Nazirliyinin Dövlət Əmək Müfəttişliyi Xidmətinə vətəndaşlardan 6 438 şikayət daxil olub.
Bunu mətbuat konfransında Dövlət Əmək Müfəttişliyi Xidmətinin rəhbəri Fuad Əlizadə deyib.
Onun sözlərinə görə, bu göstərici ötən ilin müvafiq dövrü ilə müqayisədə iki dəfə artıb:
Ehtiyatda olan hərbçilərə mənzil paylanacaq
01.10.2015
Müdafiə Nazirliyi hazırda ehtiyatda və istefada olan hərbi qulluqçulara ev verəcək.
Bu barədə Ölkə.Az-a Müdafiə Nazirliyinin mətbuat xidmətindən bildirilib.
Nazirliyin məlumatına görə, “Azərbaycan Respublikası Silahlı Qüvvələrinin hərbi qulluqçularının sosial müdafiəsinin gücləndirilməsi tədbirləri barədə Azərbaycan Respublikası Prezidentinin” 28 dekabr 2011-ci il tarixli Fərmanına uyğun olaraq, Azərbaycan Respublikası Silahlı Qüvvələrində 1992-ci ildən həqiqi hərbi xidmətə başlayan, 20 təqvim ili və daha çox qüsursuz xidmət etmiş, Maliyyə Nazirliyinin müvafiq mənzil komissiyasına təqdim edilən siyahıda qeydiyyatdan keçən, Gəncə şəhərində daimi mənzillə təmin olunmaq istəyən hazırda ehtiyatda və istefada olan hərbi qulluqçular 6 oktyabr 2015-ci il tarixədək Müdafiə Nazirliyinin Mənzil İstismar İdarəsinə müraciət edə bilərlər.
Əlaqə telefonu: (055) 675-26-56
Xocavəndsiz 23 il
02.10.2015
Bu gün Xocavəndin Ermənistan silahlı birləşmələri tərəfindən işğalından 23 il ötür. Rayon Ağdam-Füzuli avtomobil yolu kənarında, dağətəyi düzənlikdə yerləşir.
Xocavənd rayonu 1991-ci ildə Dağlıq Qarabağ Muxtar Vilayəti ləğv edildikdən sonra Martuni və Hadrut rayonlarının bazasında yaradılıb.
Ərazisi 1458 kvadratkilometr olan Xocavənd rayonunda 1 şəhər, 2 qəsəbə, 81 kənd olub. 1991-ci il oktyabrın 30-da rayonun azərbaycanlılar yaşayan qədim Tuğ və Salakətin kəndləri, noyabrın 19-da Xocavənd kəndi, 1992-ci il yanvarın 9-da Haxullu kəndi işğal edilib.
Təhsil Nazirliyi müəllim və direktorlara xəbərdarlıq etdi
02.10.2015
Azərbaycan Təhsil Nazirliyi 5 oktyabr – Beynəlxalq Müəllimlər Günü ilə əlaqədar yenidən təhsil müəssisələrinin rəhbərlərinə xəbərdarlıq edib.
Təhsil Nazirliyinin İnformasiya şöbəsinin müdir müavini, QHT və KİV ilə iş sektorunun müdiri Cəsarət Valehov bildirib ki, "Müəllimlər günü"nün yaxınlaşması müxtəlif məktəblərdə bu məqsədlə pul yığılması barədə edilən söhbətləri yenidən gündəmə gətirir.
C.Valehovun sözlərinə görə, belə hallarla rastlaşan şəxslər TN-nin “Qaynar xətt”inə anonim olmadan müraciət edə bilərlər: "Bu halların hər biri araşdırılacaq. Əgər araşdırma zamanı fakt təsdiqini taparsa, məktəblərdə pul yığan müəllim və direktorlar vəzifələrindən azad ediləcəklər".
Yol polisi: Tıxacın yaranmasında sürücülər günahkardır
02.10.2015
Metronun Avtovağzal stansiyasının tikinitisi ilə əlaqədar Sumqayıt-Bakı yolunda günün müxtəlif saatlarında avtomobillərin sıxlığı müşahidə olunur. Bu isə həmin istiqamətdə hərəkət edən insanların mənzil başına vaxtında çatmasına mane olur.
Sözügedən yolda müşahidə olunan sıxlıqla bağlı Daxili İşlər Nazirliyi (DİN) Respublika Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev deyib ki, Sumqayıt-Bakı yolunda ilk günlər nəqliyyat vasitələrinin sıxlığı yaransa da, artıq ərazidə tıxac müşahidə olunmur.
Qurum rəsmisi həmin yolda sıxlığı yaradan amillərə toxunaraq bildirib ki, tıxacı sürücülər yaradır: “Sürücülər həmin ərazidən keçərkən sürəti azaldırlar. Bu da yolda sıxlığın yaranmasına, nəqliyyatın ləngiməsinə səbəb olur. İki gün öncə ilə müqayisədə ərazidən keçmək artıq rahatdır”.
Azərbaycanlı zəvvarların son qrupu Vətənə döndü
03.10.2015
Həcc ziyarətini başa vuran azərbaycanlı zəvvarların son qrupu Vətənə dönüb.
Qafqaz Müsəlmanları İdarəsinin (QMİ) Həcc missiyasından Ölkə.Az-a verilən məlumata görə, zəvvarları gətirən təyyarə Heydər Əliyev Beynəlxalq Aeroportuna enib.
Bununla da, azərbaycanlı zəvvarların builki Həcc ziyarəti başa çatıb.
Qeyd edək ki, bu il Azərbaycandan Həcc ziyarəti üçün 2400 yer ayrılıb.
Azərbaycanlı zəvvarlardan üçü Məkkədə dünyasını dəyişib və orada dəfn olunub.
Ölkə.az
