Fransa Xurşidbanu Natəvana qarşı təhqiramiz addım atır - Deputatdan çağırış

Azərbaycan uzun müddət zülmə, ədalətsizliyə məruz qalan xalqlarının tərənnümçüsü olub.

Ölkə.Az xəbər verir ki, bunu deputat Tural Gəncəliyev parlamentin plenar iclasında çıxışı zamanı deyib.

Onun sözlərinə görə, bütün bunlara baxamayaraq cənab Prezidentin yürütdüyü siyasət nəticəsində Azərbaycan dünyanın ən mötəbər beynəlxalq təşkilatlarına rəhbərlik edib. “Amma yenə də bizə qarşı qərəzli yanaşmanın davam etməsinin şahidi olmaqdayıq.  Bu gün Azərbaycana qarşı olan güclər, xüsusən də Fransa və Hindistan Ermənistanı revanşizmə həvəsləndirmək məqəsdilə onu silahlandırırlar. Ancaq buna nail ola bilməyəcəklər”, - deputat qeyd edib.

Deputat Fransada azərbaycanlı şairə Natəvanın abidəsinə qarşı təhqir cəhdini də qətiyyətlə pisləyərək buna etirazını bildirib: “Təəssüf edirik ki, Fransa zamanında Ermənistandan manipulyasiya vasitəsi kimi istifadə edərək Qarabağda xaos yaratmaq istədi, amma buna nail ola bilmədi. İndi mədəniyyətimizin simvolu hesab edilən Natəvana qarşı belə bir təhqiramiz addım atır. Bu bir daha Fransanın hansı mahiyyətə malik olduğunu sübut edir”.

Deputat Fransanın irticaçı siyasətinin ifşa edilməsi istiqamətində fəaliyyətin daha da gücləndirilməsini təklif edib.

Mürtəza
Ölkə.Az