Oğlu meyxanaçı Kərimin səhhətindən DANIŞDI
Bir neçə il öncə insult keçirən meyxanaçı Kərimin (Kərim Novruzov) səhhəti ilə bağlı oğlu Kamil Novruzov Lent.az-a açıqlama verib.
“Atamın səhhəti ilə maraqlanırsınız, unutmursunuz, sağ olun. Yaxşılığa doğru heç bir dəyişiklik yoxdur, vəziyyəti ağırdır. Nəfəsi gedir-gəlir buna şükür edirik. Atam 3 dəfə insult keçirib, ona görə beynində ağır fəsadlar baş verdi. Getdikcə yaddaşını, nitqini tamamilə itirir. Ailə üzvlərinin, qohumların çoxunu tanımır. Əvvəllər kiçik nəvəsinə gülümsəyirdi, indi ümumiyyətlə, heç kimə, heç nəyə reaksiya vermir”,- deyə o bildirib.
Kamil Novruzov qeyd edib ki, meyxanaçı dərman içmədən yata bilmir, müntəzəm olaraq iynə dərman qəbul edir.
“Nə yediyini, nə içdiyini bilir. Doyduğunu, acdığını da hiss etmir”,- deyə oğlu qeyd edib.
Xatırladaq ki, Kərim 2017-ci ildə ilk dəfə insult keçirib, 3 ildir ağır yataq xəstəsidir.
