Türkiyə Azərbaycana 3 milyard dollarlıq helikopter satdı

Türkiyənin TAİ şirkəti Azərbaycana 3 milyard dollar dəyərində 60 ədəd yeni nəsil T-129 “ATAK” helikopteri satacaq.

2007-ci ildə İtaliyanın “AgustaWestland” şirkətinə məxsus “A-129 Mangusta” helikopterini yerli şəraitə uyğunlaşdırmaq üçün müqavilə bağlayan Türkiyə artıq helikopterə aid bütün lisenziya hüquqlarını da alıb.

Belə ki, TUSAŞ-ASELSAN-AgustaWestland şirkətlərinin 3 milyard dollarlıq müqaviləsi nəticəsində hazırlayan yeni helikopterə “T-129 ATAK” adı verilib.

Helikopter ilk uçuşunu 2011-ci ildə həyata keçirib. Helikopterin detallarının 60%-i Türkiyədə hazırlanır.

Türkiyə mətbuatı yazır ki, yeni helikopterin ilk müştərisi Azərbaycan olub.

Bildirilir ki, rəsmi Bakı bu döyüş maşını üçün 3 milyard dollar dəyərində müqavilə imzalayıb və TAİ şirkəti Azərbaycana 60 ədəd ATAK satacaq.

Bundan başqa, şirkət helikopterin satışı istiqamətində Birləşmiş Ərəb Əmirlikləri, Malayziya, Pakistan və İordaniya ilə danışıqlar aparır.oxu.az

Ölkə.Az