Nazirlikdən çağırış: Bayram günləri bu məkanlara getməyin!
Bayram günləri kütləvi və qapalı məkanlardan uşaqları uzaq tutmaq lazımdır.
“Report” xəbər verir ki, bunu Səhiyyə Nazirliyi Respublika Gigiyena və Epidemiologiya Mərkəzinin direktor müavini Afaq Əliyeva qızılca ilə bağlı danışarkən deyib.
A.Əliyeva bildirib ki, qızılcaya yoluxan bir nəfər ətrafında olan 10-12 nəfəri yoluxdura bilər.
“Bir çox imtina hallarına görə uşaqlar arasında qızılcaya yoluxma halları artıb. Ona görə də çağırış edirəm ki, valideynlər övladlarını vaxtında qızılca əleyhinə peyvəndə gətirsinlər”, - mərkəz rəsmisi əlavə edib.
