Avropa alverçiləri, mənəviyyatsızları yığıb Azərbaycan əleyhinə qoyur - Siyavuş Novruzov

Avropa Şurası bu gün Azərbaycana qarşı mənəvi terrorla məşğuldur.

Ölkə.Az xəbər  verir ki, bunu deputat Siyavuş Novruzov Milli Məclisin bu gün keçirilən iclasında “Avropa Şurasının “Terrorçuluğun qarşısının alınması haqqında” Konvensiyasına Əlavə Protokol”un təsdiq edilməsi haqqında” qanun layihəsinin müzakirəsi zamanı deyib.

Onun sözlərinə görə, Avropa Şurası maşın satanları, maşınyuyanları, alverçiləri, mənəviyyatı olamayan insanları dəvət edib Azərbaycan əleyhinə mövqe alırlar. 

Deputat əlavə edib ki, bu mənəviyyatsız insanlar AŞ-yə səfər edən deputatlarımıza hücum edib onları söyür təhqir edir. “Bunların qarşısının alınması istiqamətində işlər görülməlidir. Biz indi protokolu təsdiq edirik, amma biz də buna uyğun olaraq həmin olkələrdən bizim daxili işimizə müdaxilə etməməyi tələb etməliyik. Bu mövqeyi ortaya qoymalıyıq. Bütün bunlara son qoyulmasını tələb etməliyik”.

Mürtəza
Ölkə.Az