Aygün Bəylərin ölüm xəbəri ilə bağlı nazirlik və TƏBİB-dən AÇIQLAMA

Azərbaycan Respublikasının Əməkdar artisti Aygün Hümbətova (Bəylər) Türkiyənin paytaxtı Ankara şəhərində vəfat edib.

Bu barədə Azərbaycanın Mədəniyyət Nazirliyinin son məlumatında bildirilib.

***

“Aygün Hümmətovanın (Bəylər) ölüm xəbərini ya Səhiyyə Nazirliyi, ya da TƏBİB təsdiqləməlidir”.

"Ölkə.az" xəbər verir ki, bunu musavat.com-a Mədəniyyət Nazirliyinin Media və Kommunikasiya şöbəsinin müdiri Aynur Kərimova deyib

“Aygün Bəylərin köməkçisi yanında idi, o bizə dedi ki, vəziyyəti ağırdır, amma nəfəs alır, canı üstündədir. Onu niyə öldürürlər, başa düşmürəm? Hazırda süni nəfəs aparatındadır. Vəziyyəti ağırdır deyə Bakıya gətirirlər”, - A.Kərimova qeyd etdi.

Tibbi Ərazi Bölmələrini İdarəetmə Birliyinin (TƏBİB) İctimaiyyətlə əlaqələr şöbəsinin müdiri Elnur Hidayətoğlu isə bildirdi ki, Aygün Bəylər Türkiyədə olduğuna görə məsələnin TƏBİB-lə bağlılığı yoxdur.