Azərbaycana qarşı inanılmaz hücumlar başlayıb - Həyəcan təbili 

Azərbaycana qarşı inanılmaz hücumlar başlayıb. Hətta iş o səviyyəyə gəlib çıxıb ki, ölkə rəhbəri yerli mediaya açıqlamasında bəzi detallara öz açıqlamalarında toxundu. Yəni bu il nə 2020-dir, nə 21, 22, 23-dur. Bütün qlobal sferada dəhşətli vəziyyət əmələ gəlib.

Ölkə.Az xəbər verir ki, bu sözləri beynəlxalq münasibətlər üzrə ekspert Əziz Əlibəyli deyib.

"Yəqin ki, bir çoxları bu gün səngər generalı Hikmət Mirzəyevin nazir müavini təyin edilməsini indiki vəziyyətlə əlaqələndirməyə çalışırlar.
Ermənistan mediasına baxsaq, Azərbaycan ilə bağlı planlaşdırılan zərbələrdən xəbərdar olmaq imkanlarımız olar.
Üstəgəl, ölkə bu il baş verəcək bütün qlobal təhlükələri qabaqlayaraq təcili seçkilərlə vahid, güclü və ordu, xalq, prezident triadasi ilə cavab verməyə hazırlanır", - o bildirib.

Ekspertin sözlərinə görə, qlobal kəşfiyyat (xüsusilə erməni maliyyəsi ilə qidalanan) dağıdıcı məqsədinə nail olmaq üçün bütün dünyada etdiyi təcrübəni Azərbaycanda da işə salıb: 

"Xüsusi araşdırmalar göstərir ki, əsasən Daxili İşlər Nazirliyi (polis), TƏBİB (tibb elitası), məmur elitası və media amansız formada linç altına alınmağa və təzyiq altında saxlanılmağa cəhd edilir".

Onun fikrincə, qeyd edilən sahədə problemlərin olması şübhəsizdir: "Adicə təcili yardım maşınları çağırışa tıxacların ucbatından gedib, çıxa bilmir.
Yəni bildiyiniz, öz əlinizlə öz qurumlarımizi gözdən salmağa, etibarsızlaşdirmaga start veriblər.
Bu qurumların sıradan çıxması və ya nüfuzunu itirməsini hədəfləmək hansı nəticəni doğurar?…
Ölkəyə təcili sahib çıxmaq lazımdır". 

Ə.Əlibəyli vurğulayıb ki, Qarabağı azad etmişik deyə, üzərimizə sel kimi gələn hücumlar artmaqdadır.