Əməkdar artist açıq ürək əməliyyatı olundu
Əməkdar artist, rejissor Sərvər Əliyev açıq ürək əməliyyatı keçirib.
Bu barədə Qaynarinfo-ya onun özü məlumat verib. Rejissor əməliyatın uğurlu keçdiyini vurğulayıb:
"Ürəyimdə 6 damarı dəyişiblər. Həkimlər müalicəmi davam etdirir. İnşəllah vəziyyətim yaxşı olar”.
Qeyd edək ki, bir neçə il əvvəl Əməkdar artist, İrəvan Dövlət Azərbaycan Dram Teatrının rejissoru Sərvər Əliyevin ürəyində problem yaranıb. Rejissorun ürəyinə ayrı-ayrı illərdə 3 dəfə stend qoyulub.
