Vasif Talıbovdan daha bir

Naxçıvanda xarici marka avtomobilləri sürməyə qadağa qoyulub.

Ölkə.Az haqqin.az-a istinadən xəbər verir ki, əhali yerli hetçbek, sedan, furqon, avtomobil və minibuslarla təmin ediliblər.

Xatırladaq ki, Naxçıvan avtomobil zavodunun tikintisi 2008-ci ildə başlanıb, istismara isə 2010-cu ilin yanvar ayının 11-də verilib. 2009-cu ilin may ayında Pekində keçirilən Azərbaycan-Çin biznes forumunda “NAZ” və “Chongqing Lifan Industry” (Group) Imp.& Exp. Co., Ltd avtomobil korporasiyası arasında əməkdaşlıq haqqında müqavilə imzalanıb. Müqavilədə Naxçıvanda “Lifan” markalı minik avtomobillərinin yığılması nəzərdə tutulub.

Zavodda Almaniya, Belçika və İtaliya istehsalı olan son model avadanlıqdan istifadə edilir. Zavodun ümumi sahəsi 2,6 hektardır.

Bundan başqa muxtar vilayətin bütün məmurları yerli avtomobillərə “keçiblər”. Xarici marka avtomobillərə gələcəkdə bütün Azərbaycanda məhdudiyyət qoyulacağı və Bakı məmurlarının da Çin-Naxçıvan avtomobillərinə “keçəcəkləri” haqqında fikir də var. Azərbaycanda artıq 1,5 min adam bu avtomobillərdən istifadə edir (Turan).