Gürcüstanda tutulan 3 ton narkotik Heydərovun şəriki Manuçara məxsusdur?
Gürcüstanda tutulan "3 ton narkotik əməliyyatı"nın yeni detalları ortaya çıxıb
Olke.az-a daxil olan məlumatda Gürcüstan ərazisində tutulan 2 ton 790 kq heroinin tranzit olaraq Ədqanıstandan keçməklə Azərbaycana gətirildiyi və buradan Gürcüstan vasitəsilə ilə Türkiyəyə, daha sonra Avropaya aparılmasının planlaşdırıldığı deyilir.
Həcminə görə son illərin ən iri narkotranzit əməliyyatı hesab edilən bu hadisə artıq dünya mediasında müzakirə olunmağa başlayıb. Gürcüstan KİV-lərinin məlumatında əməliyyatın ABŞ FTB-si və gürcü polisinin birgə həyata keçirdiyi bildirilir. Gürcüstanın rəsmi mənbələri bu faktı təkzib etməyiblər. Bundan başqa Rusiyadakı mənbələrin məlumatında da hazırda Gürcüstan ərazisində ABŞ-ın bir sıra kəşfiyyat orqanlarının xüsusi qruplarının olduğu və onların sayının son ay ərzində bir neçə dəfə artırıldığı bildirilir. Deməli həyata keçirlən narkotik əməliyyatı tam olaraq ABŞ-ın nəzarətində olub və cinayətin istintaqını aparan gürcü təhqiqatçları da FTB və MKİ əməkdaşlarının instruktajı ilə işləyirlər.
Hər keçən gün ortaya çıxan yeni təfərrüatlar dünya mətbuatında Azərbaycanın adının hallanmasına və ölkəmiz haqqında narkotranzit ölkəsi təsəvvürü formalaşmasına səbəb olmaqdadır. Ortaya atılmış yeni iddiada Əfqanıstandan xammal şəklində gətirilən narkotiklərin Azərbaycan ərazisində istehsal olunaraq saflaşdırıldığı, daha sonra Gürcüstana ötürüldüyü bildirilir. Tranzit marşrutuna diqqət yetirsək görərik ki, Əfqanıstan-İran-Azərbaycan marşrutu ilə maneəsiz keçən bu həcmdə (görülməməsi qeyri-mümkün olan) narkotik Gürcüstan ərazisində polis nəzarətinə ilişərək tutulub.
Əfqanıstandakı vəziyyətin təsvirə ehtiyacı olmadığından keçirik narkomarşrutun digər ölkəsinə. Onsuz da iqtisadi embarqoda olan İranın son il ərzində ABŞ tərəfindən daha da sıxışdırılması bu ölkəni yeni inqilab təhlükəsi ilə üz-üzə qoydu. Milli valyutanın qiymətdən düşməsi və iqtisadi vəziyyətin daha da ağırlaşması daxili iğtişaşlara və xalq etirazına səbəb oldu. Ölkənin bütün təhlükəsizlik qüvvələrinin səfərbər edilərək kütləvi aksiyaların yatırılmasına cəlb olunması ilə qarşısı güclüklə alınan etiraz mitinqlərindən sonra İran rəhbərliyi qanuni ixracat yollarının bağlı olması nəticəsidə ölkənin bu hala düşdüyünü dərk edərək xarici valyutaya olan ehtiyacını ödəmək üçün bütün gücü ilə alternativ yollar axtarmağa başladı. Çünki keçən ilə qədər ABŞ-dan başqa əksər Qərb ölkələri ilə ticarət əlaqələri olan İran, son bir ildə ümumiyyətlə beynəlxalq iqtisadi sistemdən qoparılmış vəziyyətdədir. İranla valyuta əməliyyatları həyata keçirən bütün banklar ABŞ maliyyə nazirliyinin sərt sanksiyaları ilə üzləşirlər. Bu səbəbdən son il ərzidə İran xarici ölkələrlə həyata keçirdiyi ticarət əməliyytaları zamanı çox ciddi sıxıntılarla üzləşdi. Yaranmış boşluğu və valyuta qıtlığını doldurmaq üçün İranın xüsusi xidmət orqanlarının nəzarətində iri partiyalarla narkotik tranzitinin həyata keçirildiyi haqda məlumatlar dünya mediasında dəfələrlə öz əksini tapdı. Narkotik ticarətin neft, qaz, xurma və çərəz ixaracatından daha sərfəli olduğunu görən İran az sərmayə və əmək tələb edən bu gəlirli biznesi tam olaraq nəzrətə götürdü.
Gürcüstanda tutulan narkotik və onun daşınmasının reallaşdığı marşruta nəzər salsaq İranın bu məsələdə hansı yeri tutduğu aydın olar. Narkotikin isə Dubayda və Azərbaycanda bir neçə şirkətə sahib iranlı biznesmenə məxsus olması haqdakı xəbərlər, nəzərləri yenə bizim orqanalrın üzərinə yönəltdi. 3 tonluq malın lazer otağı ilə təchiz olunmuş, Çindən cır-cındır gətirən maşınların belə o lazerli anqarlarda saatlarla yoxlandığı Azərbaycan gömrüyündən necə keçdiyi beyinlərdə sual yaradır. Əvvəlcə sərhəd qoşunlarının ixtisaslaşmış əməkdaşlarının yoxalmasından, daha sonra gömrük orqanlarının onlarla əməkdaşının yoxlamasından keçən maşınlar lazer anqarına salınaraq bütün yükü boşaldılır. Yük yerindəki və konteynerdəki hər bir bağlama ayrıca yoxlandıqdan sonra kinoloq itləri tərəfindən ayrıca yoxlamadan keçir. Daha sonra yüklər geri yüklənərək və təyinatından asılı olaraq gömrük rüsumuna tabe tutularaq ölkə ərazisinə buraxılır. Əgər aparılan mal tranzidirsə, yəni üçüncü və ya dördüncü ölkə üçün nəzərdə tutulubsa, yükün tutumu eyni dəqiqliklə yoxlanılaraq, mal sahibi hüquqi və ya fizki şəxs tərəfindən tranzit haqqı ödənildikdən sonra gömrükdən buraxılır. Deməli, əgər 3 ton narkotik sərhəddən maneəsiz keçirdilibsə burda mütləq sərhəd qoşunlarının və gömrük orqanlarının icazəsi və iştirakı olub. Əgər narkotikin sahibi iranlı iş adamı bu qədər yükü gömrüyün və sərhəd nəzarətçilərinin "gözündən yayındıra" bilibsə, deməli onun əlaqələri lap yuxarılara gedib çıxır, birbaşa adı çəkilən qurumların rəhbərlərinə.
Sərhəd qoşunlarının komanadanı Elçin Quliyevin qudası Kəmaləddin Heydərovun nəzarətindəki gömrükdən yalnız "Gilan Holdinq"in pay sahiblərindən biri və fövqəlnazirin biznes şəriki iranlı iş adamı Mənuçöhr Əhədpurun (Manuçar) 3 ton narkotiki belə sərbəst şəkildə keçirməsi mümkündür. Türkiyədə Rza Zərrabın işini Azərbaycanda Mənuçöhr Əhədpurun gördüyü artıq heç kəs üçün sir deyil. 10 ildə Türkiyədən banklar vasitəsi ilə və çemodanlarda, maliyyə böhranı yaşayan İrana 100 milyarddan çox dollar və avro kütləsi ötürən Rza Zərrab "İranın xilası əməliyyatının" baş rolunda oynadı və deşifrə olunandan sonra artıq bu məqsədlər üçün Azərbaycan və Manuçar seçildi. ABŞ-ın embarqo qoyduğu İranın çökməsinə illərdir imkan verməyən ölkələrin, bu ölkələrin şirkətlərinin siyahısı artıq Vaşinqton tərəfindən hazırlanıb. Gürcüstandakı narkotik əməliyyatından sonra ortaya çıxan tablo bir daha ABŞ-ı əmin etdi ki, mövcud şəraitdə İran rejimini çökdürə bilməyəcək. ABŞ-ın atacağı növbəti addımar isə hələ bəlli deyil. Amma onu unutmamalıyıq ki, bu narkoskandal regionumuzda baş verə biləcək böyük təlatümlərin müjdəçisidir.
Ölkə.az, Monitorinq şöbəsi
