\"Anım günü məsələsinə o halda baxıla bilər\"
"Nuriyyə Əhmədova ilə vida mərasimi bu gün saat 4-də Mərdəkanda keçiriləcək. Mərasimdə nazirliyin kinematoqrafiya şöbəsi və Kinematoqrafçılar İttifaqının sədri Şəfiqə Məmmədova iştirak edəcək".
Bu fikirləri Ölkə.Az-a açıqlamasında Mədəniyyət və Turizm Nazirliyinin informasiya və ictimaiyyətlə əlaqələr şöbəsinin müdiri Vüqar Şıxməmmədov səsləndirib. Şöbə müdiri bildirib ki, xalq artistinin anım gününün keçirilməsi məsələsinə də baxılacaq:
"Anım günü məsələsinə onun yaxınları ilə məsləhətləşəndən sonra baxıla bilər".
Qeyd edək ki, Nuriyyə Əhmədova bu gecə saat 1 saylı Şəhər Kliniki Xəstəxanasında dünyasını dəyişib. İki övladını faciəvi şəkildə itirən aktrisa dekabrın 26-da 65 yaşını qeyd edəcəkdi.
İntiqam VALEHOĞLU
Ölkə.Az