4 saat ərzində səs verənlərin sayı açıqlandı - YENİLƏNİB
Saat 12:00-a olan seçici fəallığı açıqlanıb.
MSK-nın katibliyinin İnformasiya Mərkəzinin müdiri Fərid Orucov qurumun Seçkilər İnformasiya Mərkəzində keçirdiyi mətbuat konfransında bildirib ki, saat 12:00-a qədər respublika üzrə seçici fəallığı 38, 57 % olub.
Qeyd edək ki, növbədənkənar prezident seçkilərində iştirak etmək üçün seçici siyahılarında 6 milyon 478 min 623 nəfər var. Seçicilər 6537 məntəqədə səs verirlər.
***
Azərbaycanda növbədənkənar prezident seçkilərinin saat 10:00-a olan nəticələri məlum olub.
Ölkə.az xəbər verir ki, bu barədə Mərkəzi Seçki Komissiyası Katibliyinin İnformasiya Mərkəzinin müdiri Fərid Orucov məlumat verib.
Bildirilib ki, növbədənkənar prezident seçkilərində respublika üzrə seçici fəallığı 19,44 faizdir. Ümumilikdə 1259371 nəfər səs verib.
