Əhmədin atası haqda məlumatlar qarışıq düşdü, amma...

Xəbər yenilənib

Dünən amansızlıqla qətlə yetirilən 1972-ci il təvəllüdlü Mehman Əhməd oğlu Əhmədov “Azərbaycan Dəmir Yolları” QSC-nin İnfrastruktur departamentinin rəisi olmayıb.

ADY-nin İnfrastruktur departamentinin sabiq rəisi, Əhmədov Mehman Əhməd oğlu ilə sfera.az-a deyib ki, o, 1970-ci il təvəllüdlüdür və qarışıqlıq ad, soyad və ata adının eyniliyi ilə bağlı olub:

“Baş verən hadisə ilə bağlı dərin kədər hissi keçirdim. Dünəndən bəri dostlar və tanışlar narahat olub. Şükürlər olsun, sağ-salamatam. Ad, soyad və ata adımız mərhumla eyni olub, lakin doğum tariximiz fərqlidir”.

Qeyd edək ki, Mehman Əhmədov “Azərbaycan dəmir yolu nəqliyyatı işçilərinin təltif edilməsi haqqında Azərbaycan Respublikası Prezidentinin Sərəncamı”na əsasən 31 dekabr 2020-ci ildə “Tərəqqi” medalı ilə təltif edilib.

Gununsesi.info isə yazır ki, öldürülən Mehman Əhmədov isə heç bir dövlət qurumunda işləməyib.

"Mehman Əhmədov sahibkarlıq fəaliyyəti ilə məşğul olub. O, heç vaxt dövlət mükafatı ilə təltif olunmayıb. Mehman Əhmədovun Rusiyada biznesi olub. Sonradan isə Bakıda avtomobillərin icarəsi ilə məşğul olub.

Əldə etdiyimiz başqa bir məlumata görə, qətlə yetirilən Bikə Əhmədovanın qardaşı Niyazi Bədəlov əslən Neftçaladandır. Niyazi Bədəlov tanınmış iş adamıdır. O, Rusiyada “Bakinskiy bulvar” restoranlar şəbəkəsinin sahibidir", - sayt yazıb.

Qeyd edək ki, Niyazi Bədəlov məşhur azərbaycanlı milyarderin Moskvadakı biznesini idarə edir.

***

Yenisabah.az yazıb ki, 54 yaşlı Mehman Əhmədov indiyə kimi müxtəlif vəzifələrdə çalışıb. Onun sonuncu iş yeri “Azərbaycan Dəmir Yolları” QSC olub. Mehman Əhmədov 2022-ci ilə kimi “Azərbaycan Dəmir Yolları” QSC-də çalışıb. Həmin departamentdə təsərrüfat sektorunun müdiri vəzifəsində çalışıb. O, bu qurumun sabiq rəhbərinin ən etibarlı kadrlarından biri olub. Buna görə də çalışdığı QSC-də əsas söz sahiblərindən sayılıb, bir çox təyinatların gerçəkləşməsində bilavasitə rol oynayıb.

2022-ci ildə ixtisara düşüb. Amma Rövşən Rüstəmov 26 oktyabr 2022-ci ildə “Azərbaycan Dəmir Yolları” QSC-nin sədri təyin edilməsindən sonra Mehman Əhmədova yenidən əməkdaşlıq təklif olunub. Yeni sədr köhnə kadrı öz komandasında görmək istəsə də, Mehman Əhmədov bundan imtina edib.