17 yaşında bıçaqlanan idmançının görüntüləri - FOTO/VİDEO

Ailəsinin beş üzvünü amansızlıqla qətlə yetirməkdə şübhəli bilinən Əhməd Əhmədovun daha bir qalmaqalı ilə bağlı məlumat yayılıb.

Musavat.com xəbər verir ki, iddialara görə, Əhməd Əhmədov 17 yaşı olanda həmyaşıdı Ramin Cəfərova 18 bıçaq zərbəsi vurub.

Sayt yazır ki, araşdırma nəticəsində bıçaqlanan şəxslə bağlı bir sıra məlumat da əldə edilib.

Bildirilir ki, hadisə Xətai rayonu ərazisində baş verib. Əhməd Əhmədov onu meşəyə apardığı, öncə beşbarmaqla vurduğu, daha sonra isə bıçaqladığı deyilir.

Həmin zaman Polis İdarəsindən mətbuata verilən məlumatda deyilir ki, rayon sakini, 1999-cu il təvəllüdlü Ramin Cəfərov naməlum şəxs tərəfindən bıçaqlanıb. Yaralı ağır vəziyyətdə xəstəxanaya yerləşdirilib. Həyata keçirilən tədbirlər nəticəsində hadisənin Əhməd Əhmədov tərəfindən törədilməsi müəyyən edilib.

Faktla bağla Xətai Rayon Prokurorluğu tərəfindən Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanılıb.

Sayta yazır ki, sonradan isə bu xəbər bir sıra saytlardan silinib.

Bıçaqlanan Ramin Cəfərovun görüntülərini təqdim edirik: