Tanınmış həkim sevgilisi ilə birlikdə həyat yoldaşını döydü - KİV (YENİLƏNİB)

Tanınmış həkim-onkoloq İbrahim Əsədlinin öz həyat yoldaşı Aynur Əsədlini döydüyü bildirilir. 

“Unikal” yazır ki, hadisə paytaxtın Nizami rayonunda yerləşən “Loğmed” klinikasının qarşısında baş verib.

Qeyd edilir ki, İbrahim Əsədli qeyri-rəsmi münasibətdə olduğu Aynur adlı qadınla birlikdə və həyat yoldaşı Aynur Əsədli arasında mübahisə yaşanıb. "Daha sonra İ.Əsədli A.Əsədliyə qarşı şiddət göstərib.

Hadisədən sonra Aynur Əsədli Nizami Rayon Polis İdarəsinin 25-ci polis bölməsinə ərizə ilə müraciət edib. Artıq iş üzrə ekspertiza təyin olunub", - sayt yazır.

Qeyd edək ki, A.Əsədli də həkimdir və Elmi-Tədqiqat Ağciyər Xəstəlikləri İnstitutunda çalışır.

Faktla bağlı araşdırma aparılır. 

***

“İbrahim Əsədli bizim klinikanın həkimidir. Hazırda xəstələri qəbul edir, danışmaq imkanı yoxdur. Mediada yazıldığı kimi xəstəxananın qarşısında həyat yoldaşına şiddət göstərdiyinin şahidi olmamışıq”.

Bu barədə Teleqraf.com-a “Loğmed” klinikasının qeydiyyat şöbəsindən bildirilib.

Həkimin özü ilə əlaqə saxlasaq da köməkçisi hazırda onun yanında pasiyentləri olduğu üçün danışa bilmədiyini deyib.