“125-lər” Milli Mətbuat gününü qeyd etdi

İyulun 18- də “125-lər” Siyasi Klubunda növbəti müzakirə keçirilib

Xatırladaq ki, siyasi klub həftənin hər  cümə günü klub üzvləri və iştirak etmək arzusunda olanlar üçün gündəm mövzularının müzakirəsini keçirmək barədə qərar verib. Bu, klubun artıq 2-ci müzakirəsi idi.

Bu dəfə mövzu, “Azad, ədalətli seçkilərin təmin edilməsində mətbuatın (KİV-in) rolu” olub.

22 iyul Milli mətbuat günü öncəsi keçirilən müzakirəni klubun sədri İlhamiyyə Rza açıq elan etdi, KİV və medianın hüquqi cəmiyyət quruculuğunda müstəsna rolunu geyd edib, bu məslək daşıyıcılarını peşə bayramları münasibətilə təbrik etdi. Həsən bəy Zərdabidən miras qalmış bu əlamətdar gündə dəyərli ziyalımızın ruhu hörmətlə yad edildi.

Müasir Azərbaycan jurnalistikasının simasına çevrilmiş  Elmar Hüseynovun da iyulun 17-də ad günü olduğunu söyləyən İlhamiyyə Rza, öz peşə fəaliyyətinə  görə amansızcasına qətlə yetirilmiş bu cəsur jurnalistin də xatirəsini bir dəqiqiəlik sükutla yad etməyi təklif etdi.

Bundan sonra, dəvətli ekspert qismində müzakirədə iştirak edən MSK-nın üzvü, hüquqşünas Akif Qurbanov  qanunvericilikdə KİV-ə seçkilər prosesində verilmiş səlahiyyətlərdən danışdı. Akif bəy əsas diqqət yetirilməli məqamları vurğuladı:

1. Seckilərdə KİV-in iştirakı;

2. Seckiqabaği təşviqat zamanı KİV-in əsas vəzifələri;

3. KİV-də ödənişli və ödənişsiz əsaslarla təşviqatin aparılması şərtləri;

4.İctimai rəy sorgusu;

5.KİV-in muşahidəcilikdə iştiraki;

Akif Qurbanov qanunvericilikdə prosesin necə getməli olduğu barədə, dəvət olunmuş digər ekspert, RATİ-nin rəhbəri jurnalist Emin Hüseynov isə seçki prosesində baş verən tipik pozuntulardan danışdı. Çoxsaylı misallarla, Kütləvi İnformasiya Vasitələrinin monitoringlərinə əsaslanan faktlarla gerçək situasiyanı təsvir etdi.

Emin bəy seçki öncəsi təbliğat müddətinin az olduğunu, son dövrdə isə bir qədər də qısadıldığını nəzərə alaraq, seçki ərəfəsini gözləmədən, indidən tanıtım kompaniyalarına başlamağı, seçki prosesinə qoşulanlara sosial medianın imkanlarından faydalanmağı,  bir sıra yeni sosial platformalardan yararlanmağı məsləhət  verdi.

Klubun üzvləri seçki marafonu zamanı KİV-lərlə münasibətləri effektli qurmaqla bağlı öz suallarını səsləndiriblər.  Klub üzvləri arasında vaxtilə seçkidə iştirak etmiş şəxslər  təcrübələrindən söz açdılar və öz məsləhət və tövsiyyələrini veriblər.

Olke.az