Tıxaclar insanların psixikasında ciddi problem yaradır - Deputat
“Aidiyyəti qurumlar Bakı-Sumqayıt yolundakı tıxac problemi həllini tapmalıdır. Çünki insanların gündə bir saat və bəzən iki saat tıxacda qalması, psixikasında ciddi problemlər yaradır”.
Ölkə.Az xəbər verir ki, bunu deputat Əli Məsimli parlamentdə dinləmələr zamanı deyib.
Onun sözlərinə görə, özü Milli Məclisə 4 dəqiqəlik məsafədə yaşayır: “Amma işə gələrkən yoldakı tıxac insan psixikasında ciddi problem yaradır. İndi görün, Bakı-Sumqayıt yolundakı insanlar hansı əziyyət çəkir. Onların psixikasına pis təsir göstərdiyindən məsələ həllini tapmalıdır”.
Deputat Fəzail Ağamalı da Bakı-Sumqayıt yolundakı tıxacının aradan qaldırılmasında yüngül konstruksiyaları ilə 2-3 mərtəbəli yolların tikintisini təklif edib.
O həmçinin problemin aradan qaldırılması üçün Sumqayıta metro çəkilişini təklif edib.
Mürtəza
Ölkə.Az
