Borca düşdü, ciyərini satır

Cəlilabad rayon sakini, 27 yaşlı Ruslan Əliyev Ölkə.az-ın redaksiyasına ilginc müraciət ünvanlayıb. Müraciətin mətnini olduğu kimi təqdim edirik:

"Təcili olaraq ehtiyaci olan insana, 1+ qan qrupu olan qaraciyər donoru olmaq isteyirəm. Yaşım 28, boyum 1.78 sm, çəkim 80 kiloqram, tam sağlamam. Mərkəzi Neftçilər Xəstəxanasında və Türkiyədə yüksək ixtisas xəstəxanasında analizlər vermişəm, tamoqrafiya olmuşam. Qaraciyərim bir kiloqramdır".

Əməkdaşımız sözügedən şəxsin özü ilə yenidən telefon əlaqəsi saxlayıb və məlum olub ki, R.Əliyev ciyərini maddi çətinlik ucbatından satmaq qərarına gəlib:

"Metroda bir neçə obyektim var idi, bağlandı. Borc götürüb dükan almışdım, mal vurmuşdum. Bağlanandan sonra 17 min manat borcum var. Bir qiymət demək düz deyil. Xəstəyə qiymət demək də olmaz. Heç olmasa verdiyi pul borcumu ödəsin. Bir neçə nəfərə donor olmaq istəmişəm, amma alınmayıb. Səhhətimdə heç bir problem yoxdur. Donor olmuş insanlarla da danışmışam, maksimum bir həftə əziyyəti var. İş tapa bilmirəm, təhsilsizəm, ona görə də çıxış yolunu bunda görürəm. Özüm də kirayədə yaşayıram".

İntiqam VALEHOĞLU
Ölkə.az