ANS-də növbəti “şedevr”

Hər səhər ANS-in efirində canlı yayımlanan “Salam, Azərbaycan!” verilişində aparıcı məlumatı oxuyan zaman səhvə yol verib.

Əlindəki planşetdən Azərbaycanın xalq artisti, “Dövlət mükafatı” və “Şöhrət ordeni” laureatı olan dirijor Rauf Abdullayevin doğum günü haqqında yazılmış məlumatı aparıcı ölüm tarixi kimi qeyd edib:

“Bu gün tanınmış dirijor, professor, xalq artisti Rauf Abdullayevin doğum günüdür. Rauf Abdullayev 1937-ci ildə və oktyabr ayının 19-da dünyasını dəyişibdir”.

Məlumat olaraq qeyd edək ki,  Azərbaycan Dövlət Filarmoniyası simfonik orkestrinin dirijoru, professor, Azərbaycanın xalq artisti, “Dövlət mükafatı” və “Şöhrət” ordeni laureatı Rauf Abdullayev 1937-ci ildə oktyabr ayının 19-da dünyaya göz açıb. 78 yaşını qeyd edən dirijor hazırda yaşayır və xalq artistinin yaradıcılığının 50 illiyi münasibəti ilə konsert keçiriləcək.A24.az

Verilişdən olan videogörüntünü təqdim edirik:

Ölkə.Az