Ruslan İzzətli Xətaini qapı-qapı gəzir

33 saylı Xətai birinci seçki dairəsindən deputatlığa namizədliyini irəli sürən D18 Hərəkatının başqanı Ruslan İzzətli vəkillərilə birlikdə kənd Əhmədlidə seçicilərilə görüşüb.

Bu barədə Ölkə.Az-a R.İzzətlinin Seçki Qərargahından məlumat daxil olub.

"Seçicilərlə qapı-qapı görüş" kampaniyası keçirən Ruslan İzzətli vətəndaşların problemini dinləyib.

"Problemlərin həlli yönündə təkliflərini, fikirlərini seçicilərə çatdırıb. Ruslan İzzətli bildirib ki, 10 ildir bu dairənin millət vəkili "seçilən" Hüseynbala Mirələmovun dairə ərazisində keçirilən görüşlərinə dövlət qurumlarında çalışanları məcburi şəkildə gətirirlər. Çünki onun seçiciyə artıq deyəcək sözü, həm də seçicinin qarşısına gedəcək bir cəsarəti yoxdur. Mən ondan fərqli olaraq dairənin hər bir küçəsini gəzib insanları dinləyirəm", - deyə Ruslan İzzətli seçicilərə bildirib.

Problemlər məngənəsində boğulan Xətai rayon sakinləri Ruslan İzzətlini çox müsbət qarşılayır.