BDU-da Müstəqillik Günü ilə bağlı tədbir

Bakı Dövlət Universitetində Kitabxanaçılıq-informasiya fakültəsinin təşkilatçılığı ilə 18 oktyabr – Dövlət müstəqilliyi günü ilə bağlı tədbir keçirilib.

Universitetdən Bakuinfo.Az-a verilən məlumata görə, tədbirdə əvvəlcə Kitabxanaçılıq-informasiya fakültəsinin tələbələrinin hazırladığı videoçarx nümayiş etdirilib. Sonra tələbələrin ifasında Əhməd Cavadın "Susmaram”, Nəriman Həsənzadənin "Azərbaycan”, Əvəz Qurbanlının "Milli savaş himni” şeirləri səsləndirilib. Daha sonra fakültənin istedadlı tələbələrinin ifasında musiqi nömrələri ifa edilib.

Qonaq qismində tədbirə dəvət olunmuş İctimai Televiziyanın əməkdaşı, "Açıq dərs” proqramının aparıcısı Orxan Cabbarlı çıxış edərək müstəqillik uğrunda xalqımızın apardığı mübarizədən, bu günün tarixi əhəmiyyətindən bəhs edib.

Tədbirin sonunda çıxış edən Kitabxanaçılıq-informasiya fakültəsinin dekan müavini, filologiya üzrə fəlsəfə doktoru, dosent Ələmdar Cabbarlı tədbirin keçirilməsinə şərait yaratdıqlarına görə Universitet rəhbərliyinə minnətdarlığını bildirib. Ələmdar Cabbarlı bildirib ki, bu gün cənab Prezidentimizin uğurlu siyasəti nəticəsində müstəqil Azərbaycan intibah və tərəqqi dövrünü yaşayır.

Ölkə.az