Politoloq: \"Eldar Mahmudov MTN-ə şef ola biləcək şəxs deyildi\"

Eldar Mahmudov vəzifəsindən azad ediləndən dərhal sonra haqqında iddialar ortaya atılmağa başladı.

Son günlər medianın əsas mövzusu MTN və orada baş verən proseslərdir. Bu gün prezident İlham Əliyev Mədət Quliyevi MTN-ə birinci müavin təyin etdi.

Politoloq Zərdüşt Əlizadə son günlərin əsas mövzusunu Ölkə.Az-a verdiyi açıqlamasında şərh edib:

"Azərbaycanın tarixi boyu MTN-də müxtəlif adamlar şef olub. Çox zaman MTN-ə rəhbər işçini siyasi motivlərlə təyin ediblər. Bir müddət isə MTN-ə rəhbər kimi peşəkar kəşfiyyatçıları qoydular. Heydər Əliyev peşakar kəşfiyyatçı idi, ona görə həmin dövrlər onu DTK-ya sədr qoymuşdular. Heydər Əliyev DTK-nın yetişdirdiyi ən yaxşı kadrlardan idi. Ancaq Heydər Əliyevdən sonra yenə MTN-ə rəis kimi partiyadan adamlar gətirib qoydular. Eldar Mahmudovu heç kim tanımırdı, kim olduğunu bilmirdi. Hər kəs bir onu bilirdi ki, polisdən gəlib. Eldar Mahmudov MTN-ə şef ola biləcək qabiliyyətdə adam deyildi".

Mədət Quliyevin MTN-nin birinci müvini vəzifəsinə gətirilməsinə münasibət bildirən Zərdüşt Əlizadə onu da əlavə etdi ki, Mədət Quliyev Pentensiyar xidmətdə tətbiq etdiyi qayda qanunu MTN-də də tətbiq edəcək.

Səxavət Məmməd
Ölkə.Az