Mətn ölçüsü:
  • 100%

Azərbaycan Dubay mediasında

Birləşmiş Ərəb Əmirliyinin məşhur “Əbu Dabi” telekanalında Azərbaycanla bağlı maraqlı veriliş efirə gedib.

Verilişdə ölkəmizin qədim tarixi, milli-mənəvi dəyərləri, xüsusən də əsrlər boyu burada formalaşmış, xalqımızın milli kodeksinə çevrilmiş multikulturalizm və tolerantlıq ənənələri haqqında geniş söhbət açılıb.

Eyni zamanda Azərbaycanda İslam dininin yayılmasının tarixi keçmişi, xalqımızın İslama verdiyi töhfələr, həmçinin məşhur azərbaycanlı din alimləri haqqında məlumat verilib.

Azərbaycanın paytaxtı Bakının Xəzər dənizinin sahilində yerləşdiyi xatırlanan, köhnə və yeni tikililərin kadrları təqdim edilən verilişdə şəhərin qədim mədəni irslə zəngin olduğu, burada Şərq və Qərb mədəniyyətlərinin təzahürlərinə tez-tez rast gəlindiyi, Qız qalasının ölkənin tarixi barədə geniş təsəvvür yaratdığı diqqətə çatdırılır.

Verilişdə Azərbaycanın dünyada “Odlar Yurdu” kimi tanındığı tamaşaçıların diqqətinə çatdırılır, “Yanardağ”da daim odun şölələndiyi vurğulanır.

Proqramda, həmçinin Bakının görüntüləri, müxtəlif tarixi abidələr təqdim edilib. Azərbaycanda müxtəlif din və mədəniyyətlərin daşıyıcılarının birlikdə yaşaması xüsusi vurğulanıb..

Veriliş Azərbaycanı ərəb dünyasına tanıtmaq baxımından mühüm əhəmiyyət kəsb edir.

Olke.az