"İnnovativ gənc fermerlər" layihəsinə start verildi

“Gənclərin İnkişafına Dəstək” İctimai birliyi Azərbaycan Respublikasının Prezidenti yanında Gənclər Fondunun (AzGF) dəstəyi ilə 7-ci qrant müsabiqəsi çərçivəsində A kateqoriyası üzrə “İnnovativ gənc fermerlər” adlı layihəsinin icrasına başlamışdır.

Layihə çərçivəsində Lənkəran, Masallı, Astara, Lerik və Yardımlı rayonlarında yerləşən bir neçə ali və orta təhsil müəssisələrində regionlarda ekoloji cəhətdən təmiz, ətraf mühitin qayğısına qalan kənd təsərrüfatı sahibkarlığının-fermerliyin inkişafı məqsədi ilə gənclərin sahibkarlığa yönləndirilməsi üçün bölgələrdə gənc sahibkarlar və ya sahibkar olmaq istəyən gənclərə təlim və seminarlar həyata keçiriləcəkdir.
Layihəmizin başlıca məqsədi gəncləri kənd təsərrüfatı sahibkarlığına cəlb etməklə iqtisadiyyatımızın inkişafına dəstək olmaq, həmçinin gənc sahibkarlığa iddialı şəxslərə innovativ düşünməni aşılamaq və yaşıl düşünməni təbliğ etməklə istehsal zamanı ətraf mühitin qorunmasına yardımçı olmaqdır.

Layihənin çərçivəsində ilk təlim proqramı 17 oktyabr 2015-ci il tarixində tələbə və gənclərin iştirakı ilə Lənkəran Dövlət Universitetində keçirilmişdir. Təcrübəli təlimçi Mobil Pəncəliyev tərəfindən gənclərin sahibkarlıq təşəbbüslərinin dəstəklənməsi və sahibkarlıq fəaliyyətinə cəlb edilməsi, kənd və fermer təsərrüfatı ilə bağlı biznes plan, biznesin təsviri və təşkil edilməsi mövzusunda təqdimat keçirilmişdir.

Layihə çərçivəsində növbəti təlim proqramları 24-25 oktyabr tarixində Astarada, 31 oktyabr – 1 noyabr 2015-ci il tarixində Masallıda, 7-8 noyabr tarixində Lerikdə, 14-15 noyabr Yardımlıda keçiriləcəkdir.

Ölkə.Az