Zəngilan Hava Limanına təyyarənin eniş anları – VİDEO
Zəngilan Beynəlxalq Hava Limanına təyyarə eniş edib.
Ölkə.az xəbər verir ki, bununla bağlı görüntülər teleqram kanallarında yayılıb.
Xatırladaq ki, “COP29 və Azərbaycan üçün yaşıl baxış” beynəlxalq forumu çərçivəsində aprelin 24-də Laçında 30 ölkədən 64 nüfuzlu ekspertin iştirakı ilə konfrans keçirilib.
COP29 və Azərbaycanın yaşıl enerji perspektivlərinin müzakirəsinə həsr olunan beynəlxalq forumda iştirak üçün Azərbaycan dövlət rəsmiləri ilə birgə xarici ekspert qrupu Zəngilan Beynəlxalq Hava Limanına eniş ediblər.
Qeyd edək ki, Zəngilan hava limanı 2022-ci ildə açılıb. Hava limanı Zəngilanı beynəlxalq nəqliyyat-logistika mərkəzinə çevirmək üçün imkanlar yaradır.
