Nizami Kino Mərkəzində 2 yeni film başlanıb

Oktyabrın 22 -dən ətibarən Nizami Kino Mərkəzində Türkiyənin “Yaktın beni” və ABŞ-ın “Paranormal hadisələr 5: Ruhlar 3d ” filmlərinin nümaişi başlanıb.

AF.Media şirkətinin təqdimatı ilə azərbaycan dilində subtitrlərlə nümayiş olunacaq “Yakdın beni” filmini rejissor Can Yücel romantik komediya janrında çəkib. Filmin yaş həddi: 12+

Yanğınsöndürən işləyən Selam, ailəsini itirdikdən sonra yeni düzən qurub həyata geri dönməyi bacarır. Selamın ən böyük xəyalı, illərdir birlikdə olduğu İpək ilə ailə həyatı qurmaqdır. Selam istəyinə yaxınlaşdığı ərəfədə illərlə görmədiyi dayısı Macit ortaya çıxır və nələr baş verir...baxın

Baş rollarda Uğur Yücel, Sarp Apak, Sinem Kobal, Meltem Cumbul, Hasibe Eren ve Sezai Aydın çəkiliblər.

Həmçinin, həmin gündən etibarən “Paranormal hadisələr 5: Ruhlar 3d” filminin 3 D formatda nümayişi başlanıb. Rejissor Qreqori Plotkinin çəkdiyi bu film dəhşət janrındadır. Sloqanı : “Onlar gözlərinizi açacaqlar” Yaş həddi: 16+

Gənc cütlük Rayan və Emili balaca qızları Leyla ilə cox qəşəng və sakit evə köçürlər. Onlar evin qarajından videokamera və bir qutu kaset tapırlar. Kameranın obyektivindən baxdıqda nələr görəcəylərini heç ağıllarına belə gətirmirdilər...

Baş rollarda Kris C. Mürrey, Brittani Şou, Ayvi Corc, Den Qil, Oliviya Teylor, Dadli, Xloya Ksenceri, Cesika Braun, Don MakManus, Maykl Kraviç, Halli Fut çəkiliblər.