İŞİD-ə qoşulmaq istədi, tutuldu
Dövlət sərhəd xidməti 3 nəfəri saxlayıb.
Dövlət sərhəd xidməti İŞİD silahlı qüvvələrinə qoşulmaq istəyən Azərbaycan vətəndaşını sərhədi pozarkən saxlayıb. Əvvəllər Suriyada İŞİD silahlı birləşmələrinin tərkibində döyüşən Beyləqan rayonu Birinci Şahsevən kənd sakini, Babək Şirinov Gürcüstan və Türkiyə vasitəsi ilə Suriyaya keçmək istəyib. Əməliyyat-axtarış tədbirləri zamanı ona kömək edən Zaqatalanın Əliabad kənd sakini Əfqan Şamxalov da tapılıb.
Ağstafanın Sadıxlı kəndində isə sərhəd zastavası xidməti Gürcüstandan ölkəyə qaçaq mal gətirilməsi cəhdinin qarşısı alıb. Sərhəd pozucusu iki bağlamada Çin istehsalı olan 254 ədəd mobil telefonu hadisə yerində ataraq geri qaçıb. Gürcüstandan Azərbaycana 30 baş iribuynuzlu mal-qara gətirən Qazax rayon sakini Elsevər Məmmədov isə yaxalanıb.
Hər üç fakt üzrə əməliyyat-istintaq tədbirləri davam etdirilir. (Region TV)
Ölkə.Az