Zaqatalada 17 ton narkotik tapıldı

Dövlət Sərhəd Xidməti iyunun 25-dən iyulun 11-dək Zaqatalanın sərhədboyu ərazilərində keçirdiyi əməliyyatlar nəticəsində 17 tona yaxın narkotik xassəli çətənə kolları aşkar edib.

Bu barədə iyulun 16-da Dövlət Sərhəd Xidmətinin internet səhifəsində məlumat yayılıb.

Məlumata görə, Zaqatala rayonunun icra hakimiyyətinin ərazi üzrə nümayəndəliyinin, Zaqatala polisinin və DSX əməkdaşlarının iştirakı ilə çətənə kolları yandırılıb.

İyulun 11-də Gürcüstan polisi Azərbaycandan keçən 3 tona yaxın heroin tutduğu barədə məlumat və video yayıb. Qiyməti 100 milyonlarla dollar olan həmin narkotik maddənin Azərbaycandan necə keçdiyi barədə məlumata Azərbaycanın rəsmi qurumları hər hansı açıqlama verməyiblər. 

Olke.az