Azərbaycanın Çexiyadakı səfirliyində ziyafət

Çexiya-Azərbaycan Parlamentlərarası Dostluq Qrupunun üzvlərinin şərəfinə Azərbaycan Respublikasının Çexiya Respublikasındakı Səfirliyində ziyafət təşkil edilib.

Ziyafətdə Çexiya Parlamentinin Deputatlar Palatasının sədri, Çexiya-Azərbaycan Parlamentlərarası Dostluq Qrupunun sədri Yan Hamaçek və Parlamentin digər üzvləri iştirak ediblər.

Tədbirin giriş hissəsində Azərbaycanın Çexiyadakı fövqəladə və səlahiyyətli səfiri Fərid Şəfiyev və Yan Hamaçek çıxış ediblər.

Səfir Fərid Şəfiyev öz çıxışında Çexiya-Azərbaycan münasibətlərinin müxtəlif istiqamətləri, inkişaf etməkdə olan siyasi və iqtisadi əlaqələr, habelə iki ölkə rəsmilərinin qarşılıqlı səfərləri haqqında söhbət açıb.

Səfir həmçinin cari ilin 1 noyabr tarixində ölkəmizdə keçiriləcək Parlament seçkilərini izləmək üçün Çexiya qanunvericilik orqanını təmsil edən deputatlar qrupunun Azərbaycana səfər edəcəklərini qeyd edib.

Daha sonra çıxış edən Çexiya Parlamentinin Deputatlar Palatasının sədri Yan Hamaçek öz ölkəsinin Azərbaycan ilə əməkdaşlığa verdiyi önəm haqqında bəhs edib və bu əməkdaşlığın daha da dərinləşməsinə ümid etdiyini vurğulayıb.

Daha sonra qonaqların şərəfinə ziyafət təşkil olunub.trend

Ölkə.Az