Sabah bu ərazilərdə qaz olmayacaq - YENİLƏNİB
Sabah Bakı və Sumqayıtın bəzi ərazilərində qaz olmayacaq.
Bu barədə “Azəriqaz” İstehsalat Birliyi (İB) məlumat yayıb.
Bildirilib ki, saat 10:00-dan Sabunçu rayonu, Maştağa qəsəbəsinin Xanlar küçəsində tənzimləyici şkafın torpaq səthindən dayaqlara qaldırılması, Sumqayıt şəhərinin 2-ci mikrorayon ərazisində qaz xəttinin yerinin dəyişdirilməsi, saat 11:00-dan isə “Ramanı Südçülük sovxozu”na gedən ortatəzyiqli qaz kəmərinin və “Xaşa-Xuna (Berz)” ölçü qovşağı üzərində quraşdırılmış kollektordan ayrılan qaz kəmərinin hava kompressor vasitəsilə kipliyə sınaq olunması məqsədi qaz təchizatı dayandırılacaq.
Məlumata görə, təmir işləri görülən müddətdə Sabunçu rayonunun (Ramanı Südçülük Sovxozu və Maştağa qəsəbəsi, Daş karxanasının bir hissəsi), Xəzər rayonunun (Xaşa-Xuna qəsəbəsi), Sumqayıt şəhərinin (2-ci mikrorayon ərazii) və Sabunçu rayonunun (Maştağa qəsəbəsinin Xanlar küçəsi) qaz təchizatında müvəqqəti fasilə yaranacaq.
***
Sabah Cəlilabad rayonunda 3 kəndində qaz təchizatında məhdudiyyət olacaq
Ölkə.az xəbər verir ki, Cəlilabad qaz paylayıcı stansiyadan qidalanan Maşlıq, Muğan və Söyüdlü kəndlərini təbii qazla təmin edən, orta təzyiqli yeraltı qaz kəmərinin kipliyə sınaq edilməsi məqsədilə, ümumilikdə 1 800 abonentin qaz təchizatının sabah saat 10:00-dan işlər başa çatana qədər dayandırılması planlaşdırılır.
Qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş edilir.
