İddia saxta çıxdı: Rəisinin helikopteri deyilmişdi - VİDEO

İran prezidenti İbrahim Rəisini aparan helikopterin qəzaya uğradığı anı əks etdirdiyi iddia olunan görüntülər yayılıb. 

Hadisənin videosunun ABŞ peyk görüntüləri əsasında yayıldığı söylənilir.

Xəbər rəsmi mənbələr tərəfindən təsdiqlənməyib.

Yayılan əvvəlki görüntülərlə sözügedən yeni videonu müqayisə etdikdə kadrların hadisəni əks etdirdiyi şübhə doğurur. 

Yenilənmə:

Məlum olub ki, bu video əslində 2022-ci ilin iyul ayına aiddir.

Bu görüntülər Gürcüstanın Qudauri şəhərində sərhəd polisinin xilasedici helikopterinin qəzaya uğradığını anlara aiddir, Rəisinin helikopter qəzası ilə heç bir əlaqəsi yoxdur.

Qeyd edək ki, görüntüləri "MOUZE" teleqram kanalı videonu Rəisinin helikopterinin qəza anı kimi təqdim etmişdi. Yerli media sözügedən mənbəyə istinadən yaymışdı.

Xüsusi qeyd: Ölkə.Az xəbəri dərc edərkən materialın doğruluğuna şübhə ilə yanaşdığını bildirmişdi.