Moskva metrosundakı qəzada heç bir soydaşımız zərər çəkməyib

Moskva metrosunda baş verən hadisə nəticəsində ölən və yaralananlar arasında Azərbaycan vətəndaşı yoxdur

Bu barədə Azərbaycanın Rusiyadakı səfirliyinin mətbuat xidmətindən məlumat verilib.

Məlumatda bildirilib ki, bu gün Moskva metrosunda baş vermiş faciə ilə əlaqədar Moskva şəhər Səhiyyə Departamenti tərəfindən mətbuat konfransı keçirilib. 

Səfirliyin nümayəndəsinin iştirak etdiyi mətbuat konfransı departamentin rəhbəri Georgi Qoluxov tərəfindən aparılıb. 

Georgi Qoluxov bildirib ki, faciə nəticəsində 136 nəfər yaralanıb və 21 nəfər həyatını itirib. 

"Onların məlumatına görə yaralanan və həyatını itirənlər arasında Azərbaycan vətəndaşı yoxdur. Georgi Qoluxov onu da bildirib ki, qeyd olunan rəqəmlər dəyişə bilər",- səfirliyin məlumatında qeyd edilib. (apa)

Olke.az