Sifarişli "informasiya müharibəsi" və yarıtmaz "günah keçisi"

Artıq bəzi dövlət oliqarxilarının bir-birinə qarşı apardığı kompromat müharibəsi əməli təxribatlara, qoçu dəstələrinin iştirakı ilə həyata keçirilən "səhnələşdirilimiş" "döyülmə" və "sındırılma" əməliyyatlarına dönməyə başlayıb. Misal olaraq kimin tərəfindən döyüldüyü, niyə döyüldüyü hələ də dəqiqləşdirilməmiş Müsavat qəzetinin və APA internet televiziyasının birgə əməkdaşı Fərahim İlqaroğlunun "başına gələnlər" göstərilə bilər. Bu kimi "əməliyyatların" gələcəkdə də keçirilməsi (informasiya müharibəsinin amansızlığı nəzərə alınarsa) istisna olunmur. "Fərahim əməliyyatının" rejissorlarının inadkarlığı onu göstərir ki, qoçu dəstəslərindən sonra killerlərin dövrəyə soxulacağı stisna edilmir. Sifarişlə həyata keçirilən bu "informasiya təxribatının" xarakterinə nəzər salsaq isə görərik ki, onu hazırlayanların əsas məqsədi bir naziri və ya dövlət məmurunu sıradan çıxarmaq, onu ölkə rəhbərliyinin və ictimaiyyətin gözündə diskreditə etmək yox, birbaşa ölkədə daxili sabitliyi pozmaq, bəzi qüvvələri kütləvi iğtişaşlara gətirib çıxaracaq fəaliyyətlərə sövq etmək və Azərbaycanın dünya miqyasında imicinə zərbə vurmaq, ölkəmizi "anarxiyanın", "özbaşınalığın" hökm sürdüyü geridə qalmış bir dövlət kimi göstərməkdir.

Eyni zamanda iki cəbhəyə qulluq edən, bir redaksiyada prezidenti və Ulu öndəri söyən, digərində hakimiyyəti tərifləyən, ruhunu gənc yaşlarında belə ucuz satmış bir nəfər təbii ki, "günah keçisi" roluna ən ideal namizəddir. Ölkənin ən reytinqli informasiya resurslarından birinin əsas zərbə vasitəsi kimi seçilməsi isə, bu fitnəni planlaşdıranların təxribatlarını həyata keçirmək üçün heç bir "məbləği əsirgəmədiklərindən" xəbər verir. Ağzıqanlı, məşhur olduğu düşüncələrinin ona verdiyi böyük ləvvət və həvəslə foto və videokameralar qarşısında "model" kimi pozalar verən "günah keçisi", 90-cı illərin hərc-mərclik dövründə milis bölmələrindəki "üzə duran barıqalar" kimi ömrünü dövlətə və millətə xidmətlə keçirmiş görkəmli dövlət xadimlərinin adını çəkərək onları ləkələyə biləcəyini düşünməkdədir. Amma "günah keçisi" və təxribatın arxasında duranlar unudurlar ki, Azərbaycan o illərin Azərbaycanı deyil və belə metodlarla dövləti idarə edən ahılları aldatmaq mümkün deyil. Ucuz təxribatın qayıdaraq bumeranq kimi öz başlarına dəyəcəyi və qurduqları tora özlərinin düşəcəyinin də çox yaxınlarda bütün xalq şahidi olacaq.

"İnformasiya müharibəsi" hələ də tam gücü ilə davam edir. Diqqət yetirtsək görərik ki, bu müharibə illərdir davam edir və kökü gömrük strukturlarında yatan mafiya ölkənin nəqliyyat sektorunu da öz nəzarətinə keçirmək üçün son 15 ildə reket mediaya milyonlarla dollar vəsait axıtmışdır. Təxribata alət edilmiş bütün media qurumlarının "boz gömrük oliqarxiyasının" "qara seyfindən" hər ay pul aldığı ən mötəbər mənbələrdən aldığımız məlumatlarla təsdiqlənir. İnformasiyaya görə hər ay bu "qara seyf"dən reket saytlara 100 000 - 200 000 manat arasında vəsait axıdılır. İqtisadiyyatımızın əsas stimulverici sahələrindən birini təşkil edən ticarət sektoru üzərindəki öz qeyri-qanuni və total nəzarətlərini bərqərar etmiş "gömrük inhisar mafiyası" artıq dövlətə meydan oxuyacaq, onun təməllərinə təhlükə törədəcək qədər quduzlaşmışdır. Azərbaycan dövlətinin bir nazirinə qarşı apardıqları qarayaqxma kampaniyasının ölkəmizin imicinə vuraca biləcəyi zərəri düşünmədən, bütövlükdə Azərbaycanı öz girovlarına çevirmək uğurunda adı çəkilən cinayətkar şəbəkə, lazım gələrsə dövlət müstəqilliyimizi belə qurban verməyə hazırdır. Cinayət şəbəkəsinin son aylar daha da fəallaşması isə, gömrük sistemində, ölkəyə idxal olunan malların gətirilməsi və satışı ilə məşğul olan firmalarda aparılan total yoxalamalardır. Mediada təşkil etdikləri "qara propaqanda" kampaniyasının köməyi ilə "inhisar mafiyası" ictimaiyyətin diqqətini özündən yayındıraraq ölkə gündəmini dəyişməyi planlaşdırır. Qeyd edirik ki, yoxlamalar gizli aparılır və bu barədə mətbuata məlumat verilmir. Əldə etdiyimiz xəbərdə bildirilir ki, gömrük strukturlarında kök salmış bir neçə monopoliya bossunun ölkədən çıxmasına bir il müddətində qadağa qoyulub. Büdcədən yayınan vəsaitin həcminin milyardlarla manat olduğu bildirilir.