Rusiya əsir götürülmüş soydaşımıza sahib çıxdı

Kəlbəcərdə ermənilər tərəfindən girov götürülən Dilqəm Əsgərov Rusiya vətəndaşıdır. 

D.Əsgərov Rusiyanın Tümen vilayətində yaşayır. Məlumata görə, Dilqəm Əsgərov Tümendə meşəda çalışır. 

Onun valideynlərinin qəbri Kəlbəcərdə yerləşir. D.Əsgərov tez-tez yaxınlarının qəbirlərini ziyarət etmək üçün doğma Şaplar kəndinə keçirmiş. .

D.Əsgərov növbəti dəfə bu məqsədlə Kəlbəcərə keçərkən Ermənistan hərbçiləri tərəfindən girov götürülüb.

D.Əsgərov Rusiya vətəndaşı olması ilə bağlı Rusiyanın Azərbaycandakı səfirliyi ilə əlaqə saxladıq. Səfirliyin mətbuat xidmətindən ANS PRESS-ə verilən məlumatda bildirilir:

“Dilqəm Əsgərov işğal altında olan Kəlbəcərdə Ermənistan hərbçiləri tərəfindən girov götürülüb. Bu səbəbdən məsələ ilə bağlı Rusiyanın Ermənistandakı səfiri hərəkətə keçəcək”.

Qeyd edək ki, Dilqəm Əsgərov iyulun 11-də Kəlbəcərdə ermənilər tərəfindən girov götürülüb.

Olke.az