Azərbaycanda üç xanım yüksək vəzifəyə təyin edilib
Ədilə Əfəndiyeva, Nigar Hüseynquliyeva və Gültac İsgəndərli Baş Prokurorluğun Dövlət ittihamının müdafiəsi üzrə idarəsinin prokurorları təyin olunub.
Baş Prokurorluğun mətbuat xidmətindən Ölkə.az-a verilən məlumata görə, bu barədə Baş prokuror Kamran Əliyev müvafiq əmr imzalayıb.
Qeyd edək ki, bu təyinata qədər Ədilə Əfəndiyeva Bakı şəhər prokurorluğunda şöbə prokuroru, Nigar Hüseynquliyeva Şirvan şəhər prokurorunun köməkçisi, Gültac İsgəndərli isə Balakən rayon prokurorluğunun böyük müstəntiqi vəzifəsində çalışıb.
