İnam Kərimov Abiddin Hüseynovu yeni vəzifəsinə yola saldı - Foto

Bu gün Ali Məhkəmədə Mülki kollegiyanın hakimi Abiddin Hüseynovun yeni vəzifəyə təyin olunması münasibətilə tədbir keçirilib.

“Ölkə.az” xəbər verir ki, Ali Məhkəmənin və Məhkəmə-Hüquq Şurasının sədri İnam Kərimov Abiddin Hüseynovu Prezident İlham Əliyevin Sərəncamı ilə ədliyyə nazirinin müavini vəzifəsinə təyin edilməsi ilə əlaqədar təbrik edib, ona gələcək fəaliyyətində uğurlar arzulayıb. 

Abiddin Hüseynov isə çıxış edərək, ona göstərilən yüksək etimada görə ölkə başçısına minnətdarlığını bildirib, məhkəmə-hüquq və ədliyyə sahəsində birgə əməkdaşlığın güclənməsinə çalışacağını qeyd edib. 

Sonda Abiddin Hüseynova Məhkəmə-Hüquq Şurası adından fəxri döş nişanı təqdim olunub.