Ramil Usubovdan yeni təyinat
Xaçmaz rayon polis şöbəsinə yeni rəis təyin olunub
Daxili işlər naziri Ramil Usubovun əmrilə yeni təyinat olub.
Olke.az "anspress"-ə istinadən xəbər verir ki, nazirin əmrilə Xaçmaz rayon polis şöbəsinə Ədalət Abbasov təyin olunub.
Xaçmaz rayon İcra Hakimiyyətinin başçısı Şəmsəddin Xanbabayev məlumatı təsdiqləyib. Onun verdiyi məlumata görə, yeni rəis yaxın günlərdə şəxsi heyətə təqdim olunacaq.
Qeyd edək ki, Ədalət Tağı oğlu Abbasov 1963-cü ildə Tovuzun Şamlıx kəndində anadan olub. Ədalət Abbasov Ağstafa rayon polis rəisi idi. O, Ağstafa rayonunun polis rəisliyinə Narkotiklərə Qarşı Mübarizə Baş İdarəsinin Qərb bölgəsi üzrə regional şöbəsinin rəisi vəzifəsindən gəlmişdi.
Olke.az
