“Fərqli dünyalar” adlı qrup sərgisi keçiriləcək

Azərbaycan Respublikası Mədəniyyət Nazirliyi, Azərbaycan Rəssamlar İttifaqı, Azərbaycan Dövlət Rəsm Qalereyasının dəstəyi, Ülvi Art Studiyasının təşkilatçılığı ilə “Fərqli dünyalar” adlı qrup sərgisi keçiriləcəkdir. Sərginin açılışı 28 iyun 2024-cü il tarixində saat 18:00-da  Azərbaycan Rəssamlar İttifaqının V.Səmədova adına Sərgi Salonunda baş tutacaq.
Sərginin əsas məqsədi müasir rəngkarlığımızı zənginləşdirən, rəngarəng əsərləri ilə diqqətləri cəlb edən yaradıcı gənclərimizin sosial, eləcə də incəsənət aktivizmini önə çıxarmaq və onları geniş ictimaiyyətə tanıtmaqdan ibarətdir. Burada rəssamların nümayiş olunan müxtəlif üslublu əsrarəngiz əsərləri onların fərqli dünyalara məxsus olduqlarını aydın şəkildə əks etdirir. Sərgidə rəssamların təəssüratlarını bölüşdüyü əsərlər sənətsevərləri möcüzəvi sənət aləminin səyahətinə dəvət edir. 

Sənətşünas Xanım Rzayevanın kuratorluğu ilə baş tutacaq sərginin ekspozisiyasında  Ülvi Art Studiyasının 24 tələbəsinin (Aşurlu Onur, Əsgərova Aysu, Qurbanova Gülnar, Qurbanzadə Aydan, Şahverdiyeva Aysel, Abbasova Əfsanə, Musalı Jalə, Hüseynova Turanə, Babayeva Zöhrə, Əliyeva Fatimə, Zamanova Arzu, Yadigarlı Aynur, Quliyeva Kəmalə, Rəhimova Nazlı, Qəhrəmanova Xumar, Tağıyeva Gülər, Mədətova Aytac, Ağayeva Nərmin, Alsu Hümbətova, Fatimə Əlibaxşiyeva, Cavad Müslümlü, Gülbəyim Məmmədova, Ləman Nağıyeva, Məryəm Bağırova ) əsəri yer alacaq.

Ünvan: Azərbaycan Rəssamlar İttifaqı / Bakı şəhəri,  Xaqani küçəsi 43