Bir sıra seçki dairələrinin hüdudları dəyişdirilib - YENİLƏNİB
Azərbaycanda bəzi seçki dairələrinin hüdudlarına dəyişiklik edilib.
“Report” xəbər verir ki, bununla bağlı Mərkəzi Seçki Komissiyasının bu gün keçirilən iclasında müzakirə olunub.
MSK sədrinin müavini Rövzət Qasımovun təqdimatına əsasən, Ağdərə rayonunun yaradılması ilə bağlı Tərtər, Kəlbəcər və Ağdam rayonlarının inzivbari ərazilərində dəyişiklik edilib.
Dəyişiklikdən irəli gələrək, 96, 97, 118, 119, 124 saylı seçki dairələrinin adında və hüduqlarında qismən dəyişiklik edilir.
***
Bu gün saat 16:00-da Mərkəzi Seçki Komissiyasının (MSK) iclası keçiriləcək.
Bu barədə MSK-dan məlumat verilib.
Qeyd edək ki, Yeni Azərbaycan Partiyası (YAP) İdarə Heyətinin iyunun 20-də keçirilən iclasında altıncı çağırış deputatlarına Milli Məclisin buraxılması və növbədənkənar seçkilərin təyin edilməsi barədə Azərbaycan Prezidentinə müraciət olunması üçün təşəbbüs göstərmələrinin tövsiyə edilməsi barədə qərar qəbul olunub.
Parlamentin iyunun 21-də keçirilən plenar iclasında isə Milli Məclis növbədənkənar seçkilərin təyin edilməsi üçün Prezidentə müraciət edib.
Prezident isə öz növbəsində parlamentin buraxılması ilə bağlı Azərbaycan Respublikası Konstitusiya Məhkəməsinin Palatasına sorğu göndərib.
