Kəndlərlə əlaqələr hələ də qurulmayıb, onlara yardım göstərilməlidir - Vahid Əhmədov 

“Son dövlərdə davamlı yağan güclü yağışlar nəticəsində  respublikanın  bölgələrində yol infrastrukturuna və körpülərə ciddi ziyan vurub. Əkin sahələrinə, bağlara ziyan vurub”.

Ölkə.Az xəbər verir ki, bunu deputat Vahid Əhmədov parlamentin bu gün keçirilən iclasında deyib.

Onun sözlərinə görə,  güclü yağışlar davam etməkdədir. “Yerli icra hakimiyyəti orqanları təbii fəlakətin yaratdığı  fəsadları və dəyən ziyanları dəqiqləşdirilməsi ilə bağlı baxışlar həyata keçiriblər.  Operativ görülən tədbirlər nəticəsində bir çox kəndarası yollar bərpa edilsə də, bir çox kəndlərlə əlaqələr bərpa olunmayıb, yollar bağlıdır”, - o qeyd edib.

Deputat əlavə edib ki, yaranmış durum bir daha sığorta məsələsini gündəmə gətirir. “Kəndlilərə, fermerlərə dəyən ziyanın ödənilməsi ilə bağlı Aqrar Sıoğrta Agentliyi yaradılsa da, bu  sahədə hələ də müəyyən çatışmazlıqlar və problemlər mövcuddur. Aqrara sığortanın cəmiyyətdə geniş tətbiqi üçün ciddi maarifləndirmə işlərinə ehtiyac var. Aqrar sığorta sistemi inkişaf edərsə, o zaman onlara dəyən ziyan qarşılanar. Təklif edirəm ki, hökumət  əhaliyə dəyən ziyanın aradan qaldırılması istiqamətində addımlar atıb yardımlar göstərməlidir”, - o qeyd edib.

Mürtəza
Ölkə.Az