“Zərərli sosial normaların həyatımıza təsiri” mövzusunda seminar keçirilib - FOTOLAR

Avropa İttifaqının maliyyə dəstəyi, BMT-nin Əhali Fondunun (UNFPA) və BMT-nin Qadınlar Agentliyinin (UN Women) təşkilatçılığı və “Kişilər Gender Bərabərliyi Uğrunda – Men For Gender Equality” virtual platformasının dəstəyi ilə “Çinar Kitab Evi”nin seminar zalında “Zərərli sosial normaların həyatımıza təsiri” mövzusunda seminar keçirilib.

"Ölkə.az" xəbər verir ki, seminarın əsas məqsədi kişilərin cəlbi və iştirakçılığı ilə cəmiyyətdə qız uşaqlarının dəyərinin təşviq edilməsi və onların öz potensiallarını reallaşdıra bilməsi üçün bərabər imkanların əhəmiyyətini təbliğ etməkdir.

Seminar zamanı ekspertlər Təbriz Qasımov və Fərid Abdullah gender bərabərsizliyinə yol açan səbəblər və zərərli sosial normaların insanlara təsiri mövzusunda danışıblar.

Seminar Avropa İttifaqının maliyyə dəstəyi ilə BMT-nin Əhali Fondu və BMT-nin Qadınlar Agentliyi tərəfindən həyata keçirilən “Avropa İttifaqı Gender Bərabərliyi naminə: birlikdə gender stereotiplərinə və gender əsaslı zorakılığa qarşı” proqramı çərçivəsində baş tutur.