Erməni sərhədçilər azərbaycanəsilli sürücünü vəhşicəsinə döyüblər - Yenilənib

Ötən gün erməni sərhədçiləri tərəfindən azərbaycanəsilli sürücünün döyülüb öldürülməsi haqqında sosial şəbəkələrdə məlumat yayılıb.

Məlumata görə, hadisə "Nordoz" keçid məntəqəsinin sərhədindəki avtoparkda baş verib.

İranın Xoy şəhərindən olan sürücü erməni sərhədçiləri tərəfindən milli mənsubiyyətinə görə döyülüb. Hadisəyə səbəb Ermənistan tərəfinin İran vətəndaşlarının sərhəd zonasını keçməsinə icazə verməməsi, azərbaycanəsilli sürücüləri sıxışdırması və yalnız erməni sürücüləri buraxması olub. Nəticədə sürücü ilə sərhədçilər arasında insident yaşanıb.

İran mediası yazır ki, Amid Quluzadə adlı sürücü ilə bağlı hadisədən sonra İranın Ermənistandakı Baş Konsulluğu polisə rəsmi şikayət göndərərək, araşdırma aparılmasını və günahkarların məsuliyyətə cəlb olunmasını tələb edib.

"Xoşbəxtlikdən döyülən sürücünün vəziyyəti yaxşıdır, o, evə buraxılıb. Ermənistan polisinə şikayət edilib, iş araşdırılır", - deyə İranın Qafandakı baş konsulu Morteza Abedin Varam bildirib.

***

İyulun 12-də İran-Ermənistan sərhədində yük avtomobilinin əslən azərbaycanlı olan sürücüsü, İran vətəndaşı Amid Quluzadə Ermənistan sərhədçiləri tərəfindən qətlə yetirilib.

Ölkə.az APA-ya istinadən xəbər verir ki, bu barədə məlumat teleqram kanallarında yayılıb.

İnsident milli zəmində baş verib. Belə ki, İran-Ermənistan sərhədinin "Nurduz" sərhəd-keçid məntəqəsində Ermənistan sərhədçiləri məntəqədən yalnız erməni əsilli sürücülərin keçidinə icazə verib. Bu isə ərazidə növbə gözləyən azərbaycanlı sürücülərin narazılığı ilə nəticələnib.

Hadisə yerinə təcili yardım çağırılsa da, həkimlər əraziyə bir neçə saatdan sonra gəliblər.

Bu səbəbdən azərbaycanlı sürücü dünyasını dəyişib.

Hələlik baş verən hadisə barədə rəsmi açıqlama verilməyib.