Azərbaycanda yanğınsöndürən gəminin təmiri başa çatdı
“Vixr-5” yanğınsöndürən gəmisinin təmiri başa çatıb.
Ölkə.Az "Azərbaycan Xəzər Dəniz Gəmiçiliyi" QSC-yə istinadən məlumat verir ki, bu il aprelin 2-dən cari təmirə dayanan “Vixr-5” gəmisi əvvəlcə doka qaldırılaraq gövdəsi təmizlənib və rənglənib. Daha sonra isə gəminin baş və köməkçi mexanizmləri, yaşayış və xidməti otaqları təmir edilib.
Təmirdən sonra “Vixr-5” FHN Dövlət Yanğından Mühafizə Xidmətinin ARDNŞ Obyektlərinin Yanğından Mühafizə İdarəsinin istifadəsində olacaq.
Qeyd edək ki, həmin tipdən olan “Vixr-3” gəmisi də plan təmirinə dayanıb. Bu gəminin cari ilin sonunadək istismara qaytarılması nəzərdə tutulub.
Ölkə.Az
