Bakıda ilk dəfə ali təhsil müəssisələrinin sərgisi keçirilir
Bu gün Dövlət İmtahan Mərkəzinin təşkilatçılığı ilə DİM-in elektron imtahanlar korpusunda “Ali təhsil müəssisələrinin sərgisi”nin açılış mərasimi keçirilib.
Ölkə.Az xəbər verir ki, tədbirdə çıxış DİM-in aparat rəhbəri Vəfadar Misirov belə bir sərginin ilk dəfədir keçirildiyini bildirib. Onun sözlərinə görə, sərgidə 33 ali təhsil müəssisəsi və 6 qurum iştirak edir.
"Bu gün başlayan sərgidə iştirak edəcək hər bir ali təhsil müəssisəsinəstol təqdim olunur. Onların təqdimatları üçün ayrıca otaqlar ayrılıb və burada ali təhsil müəssisələri haqqında daha geniş məlumat vermək imkanı qazanacaqlar.
Eyni zamanda gələn həftə 4 nömrəli
"Abituriyent jurnalını nəşr olunacaq və burada ixtisaslar üçün plan yerləri və ixtisasların kodları olacaq.
Sərgi 3 gün davam edəcək və 3 minə yaxın abituriyentin iştirakı gözlənilir.
Sərgi həm də 9-19 avqust tarixlərində başlayacaq ixtisas seçiminə hazırlıq məqsədi ilə təşkil olunub".
Billurə Yunus
