“Drakon”nun azadlıqdan ilk görüntüləri - VİDEO

Tanınmış aktyor, rejissor və ssenarist Rza Rzayevin azadlıqda olduğunu əks etdirən görüntülər yayılıb.

Ölkə.Az xəbər verir ki, videoda həbsdən çıxan aktyorun hər kəsi salamladığı yer alıb.

Xatırladaq ki, R.Rzayev xuliqanlıqda təqsirli bilinərək 1 il 6 ay müddətinə azadlıqdan məhrum edilib. O, Xəzər Rayon Məhkəməsinin qərarı ilə vaxtından əvvəl azadlığa buraxılıb. Aktyor cəzasının çəkilməmiş 4 ayından şərti olaraq azad edilib.

Hakim İlham Cəfərzadə qərar qəbul edərkən məhkumun cəzasının yarısından çoxunu çəkdiyini, cəzaçəkmə müəssisəsinin müsbət rəyini və digər halları nəzərə alıb.

Rza Rzayev “Dolu” filmində rol aldığı “Drakon” obrazı ilə məşhurlaşıb. O, Süleyman Rüstəm adına Xarici Dillər Təmayüllü Gimnaziyanın direktoru Tural Mirzəliyevə xəsarət yetirdiyinə görə məhkum edilmişdi.