Azərbaycanlı pianoçu Vyanada keçirilən müsabiqədə üçüncü yerə layiq görülüb - FOTO

Avstriyanın Vyana şəhərində 50-dən çox ölkədən 250-dən çox pianoçunun iştirakı ilə keçirilən Vyana Piano müsabiqəsində (Vienna Piano Competition 2024, Wiener Klassik) azərbaycanlı pianoçu Nərmin Rzayeva öz kateqoriyasında ən yüksək balı toplayaraq ilk onluğa vəsiqə qazanıb.

Ölkə.az-ın məlumatına görə, bununla da ikinci turda iştirak hüququ əldə etmiş N.Rzayeva bu mərhələdə 79,6 ballıq nəticə ilə müsabiqədə üçüncü yerə layiq görülüb.

Qeyd edək ki, Nərmin Rzayeva Müslüm Maqomayev adına Azərbaycan Dövlət Akademik Filarmoniyasının Dövlət Xor Kapellasının pianoçusu və Azərbaycan Dövlət Akademik Filarmoniyasının Simfonik orkestrinin pianoçusudur.