"Qayınanalara başa sala bilmirik ki, gəlinin otağına..." - Psixoloqdan MARAQLI AÇIQLAMA

"Qayınana gəlinin otağına girə bilməz".

Bunu psixoloq Nizami Orucov bildirib.

“Yataq otağı məhrəm və özəldir. Qayınanaların əksəriyyəti gəlinin otağına daxil olaraq öz zövqlərinə görə, əşyaların yerini dəyişdirirlər. Gəlin isə buna etiraz edəndə mübahisə yaranır. Beləliklə ailədə bütün nizam pozulmağa başlayır. Qayınana evləndikdən sonra öz oğlunun yataq otağına daxil ola bilməz. Bəzi qayınanalar var ki, onlara bunun yanlış olduğunu izah edə bilmirsən. Onların düşüncəsinə görə, oğlu ilə gəlininin yataq otağına girməkdə ayıb nəsə yoxdur”. 

Psixoloqun dediyinə görə, elə analar var ki, 30 ildir, oğlunun ayaqqabısını təmizləyir:

“Ana bir dəfə də olsa, deməyib ki, öz ayaqqabını özün təmizlə. Oğul da anasının əyilib ayaqqabılarını təmizləməsinə narazılıq etmir. Bu adam evlənənəndə də yoldaşından ayaqqabısını təmizləməyi tələb edəcək. Yoldaş yoldaşının ayaqqabısını təmizləyər, bu, problem deyil. Problem bunun tələbat və məcburiyyət səviyyəsində olmasıdır. Ana oğlunu elə öyrəşdirib deyə, o da yoldaşını daima buna məcbur edəcək”.(sfera.az)