Mahir Xəttab azadlığa buraxıldı

Həbsdə olan jurnalist, "Azadinfo.az"saytının rəhbəri Mahir Ələkbərov (Mahir Xəttab) azadlığa buraxılıb.

Ölkə.Az xəbər verir ki, bu barədə TNS-ə Mahir Xəttab özü məlumat verib.

O bu gün səhər saatlarında cəzası başa çatdığı üçün azadlığa çıxıb.

Qeyd edək ki, M.Ələkbərov hədə yolu ilə tələb etməkdə təqsirləndirilib. Məhkəmənin hökmü ilə o, 3 il azadlıqdan məhrum edilib. Mahir Ələkbərova Cinayət Məcəlləsinin 182.1-ci (hədə-qorxu ilə tələb etmə) maddəsi ilə ittiham elan edilmişdi.