Avtomobillər qəfildən niyə yanır? - VİDEO

Hərəkətdə olan avtomobil anidən tüstüləyərək alışmağa başlayıb. Yanğının səbəbi isə son ana qədər məlum olmur.

Ölkə.az xəbər verir ki, xezerxeber.az-ın məlumatına görə, bu kimi hallara son vaxtlar Bakıda tez-tez rast gəlinir.

Avtomobilin elektron sistemləri üzrə mütəxəssis Xaliq Əliməmmədov deyir ki, "avtomobil yandı” deyiləndə düşünülən ilk məsələ əlavə qurğulardır. Lakin bəzi avtomobillər ya ehtiyatsızlıqdan, ya zavod xətasından alışır.

Onun sözlərinə görə, son vaxtlar bazarda elektrik müəhərrikli avtomobillərin sayı artmaqdadır. Bəzi hallarda bu maşınlar ölkəyə gətirilərkən düzgün daşınmır. Bu da sonradan ciddi problemlərin yaranmasına gətirib çıxarır.

Mütəxəssis əlavə edib ki, sürücülər avtomobil almamışdan əvvəl həmin modelləri hərtərəfli araşdırmalı və sonra qərar verməlidir.